КҮН КУЙААРЫМА ТҮҮЛДЬҮТЭ:
ЭҺЭ
Эдэр кыыска эһэ көстөрө, эккирэтэрэ - кинини саастаах киһи таптаан эккирэтэригэр.
Эр киһи эһэҕэ түбэһэрэ - бары өттүнэн кыахтаах киһини кытта бэрт былдьаһарыгар.
ЭТ
Сиикэй эт - ыарыы бэлиэтэ.
Буспут эт - ыарыыттан өрүһүнэргэ, үтүөрэргэ.
ЭТИҺИИ
Этиһии - төттөрүтүн өйдөһүү, таптал бэлиэтэ.
БРАВИНА Р.И. ТҮҮЛДЬҮТЭ:
ЭБИСИЙЭЭНЭ
Түүлгэ эбисийээнэ — артыыс эбэтэр албын-түөкэй киһи бэлиэтэ.
ЭКЗАМЕН
Экзамен туттарыы — туһата суох түбүк үксүүрүгэр.
Экзамен тутуу — кими/тугу эрэ хонтуруоллуур наадатын ыйар.
ЭКСКУРЦИЯ
Экскурсиялыы сылдьыы — эппиэтинэстээх көрсүһүүгэ бэйэ үтүө өрүттэрин кыайан арыйан көрдөрбөккө.
Билэр киһин экскурсиялыы сылдьара — өйдөөх киһини кытта билсэргэ.
ЭККИРЭТИИ
Куһаҕан дъон эккирэтэллэрэ — элбэх эрэй эккирэтэригэр.
ЭЛИЭ
Элиэ — абааһы көтөрө.
Мунньустан толооҥҥо элиэтииллэрэ — үчүгэй аһыылаах киһи ыалдьарыгар.
ЭМЭЭХСИН
Хара/маҥан таҥастаах эмээхсин — кутурҕан сүрэ.
ЭНЦИКЛОПЕДИЯ
Энциклопедияны туһаныы — үлэҕин дьон-сэргэ сэргииригэр.
Ким эрэ энциклопедия ааҕара — хаһыакка бэчээттэммит информацияны үлэҕэр туһанаргар.
ЭРБИИ
Эрбии, эрбии тыаһа — киһи өлөрүгэр, уҥуох тутарга.
ЭРИЭН ҮӨН
Түүлгэ эриэн үөн — таҥнарыы бэлиэтэ.
Эриэн үөнү тутан ылыы — өлөргө-сүтэргэ.
Эриэн үөн эргэ хаатын, устубут тириитин булан көрүү — иннэ-кэннэ биллибэт, иэрэҥ-саараҥ майгылаах киһини көрсөргө.
ЭРИЭХЭ
Эриэхэ - дьикти көрсүһүү бэлиэтэ.
Эриэхэ сиир — дьикти быһыыга түбэһэргэ.
ЭҺЭ
Былыргы саха түүлү тойоннооһунугар эһэ — ойуун сүрэ, абааһыта.
Аныгы киһи түүлүгэр эһэ — улахан кыахтаах, дуоһунастаах киһи бэлиэтэ.
Эһэттэн куттаныы — тойон киһиттэн толлуу.
Эһэ саба түһэрэ — тойон киһи атаҕастыыра-баттыыра.
Эһэ өлөрө — улахан тойон өлөрүгэр.
ЭТ
Эт — дьаҥ сүрэ.
Эт сиир — ыалдьарга.
ЭТИҤ
Түүлгэ этиҥ этэрэ — үөһээҥҥи салайааччылартан туох эрэ санаан таһынан сорудаҕы ыларга.
Самыырдаах этиҥ — сөбүлээбэт сорудаххын толорон элбэх харчыны аахсарга.
ЭТИҺИИ
Кимниин эрэ этиһии — болдьоммут көрсүһүү тохторугар.
Ким эрэ этиһэрин туораттан көрүү — туох эрэ кыһалҕаҕа, эрэйгэ.
Төрүт билбэт дъону кытары этиһии — дьылҕа өстөөхтөргөр көхсүнэн буолан, эн диэки хайыһарыгар.
ЭТЭРБЭС, САППЫКЫ
Саҥа этэрбэс, саппыкы — үтүө уларыйыыларга.
Эргэ этэрбэс, саппыкы — дьадайыыга.
Этэрбэс, саппыкы атыылаһыы — үлэҕэ уларыйыы тахсарыгар.
Саппыкыгын атыылыырын — куһаҕан сонуну истэргэ.
Этэрбэскин абырахтыырын — сыралаһан туран үлэн-хамнаһын көнөрүн ситиһэргэр.
ЭЧЭЙИИ
Эчэйии — ночоокко киирэргэ көстөр.