Бравина Р.И.
ӨЛБҮТ КИҺИ ИИНЭ
Өлбүт киһи иинигэр аҥаарынан турара - аны олорбутун саҕаны олороругар.
Иин тобугунан буоллаҕына - олорбутунааҕар ордук элбэҕи олоруох тустаах.
ӨЛБҮТ КИҺИ
Өлбүт киһи кэпсэтэрэ, кыыһырара - абарара - куһаҕаҥҥа, өлөргө-алдьанарга.
Өлбүт киһи холкутук кэпсэтэрэ - этэҥҥэ сылдьарга.
Онуоха мунаарар ыйытыыга эппиэт биэрдэҕинэ - ону дьиҥ олоххо туһаныахха сөп.
Өлбүттэри кытта супту сылдьар - сотору өлөргө.
Түүлгэр билэр бокуонньук киһин үөрэрэ-көтөрө, күлэрэ - салара, үҥкүүлүүрэ - эн олоххор туох эмэ сыыһаны оҥостоору сылдьаргын сэрэтэр.
Өлбүт киһи аска-үөлгэ бииргэ тэрийсэн асаһан эрэрэ - өлөргө сүтэргэ эрээри, ийэн биитэр таптыыр эдьиийин ас - үөл тэрийэн аһаталлара - үчүгэйдик олорорго.
Түүлгэ көстөр өлбүт киһи көрүҥэ - бу киһи аймахтара зхайдах олоруохтарын таайтарар. Холобура чэгиэн, доруобай буоллаҕына аймахтара этэҥҥэ буолуохтара.
Үгүскиһи саныырынан өлбүт киһи - халлаан уларыйарыгар көстөр, онуоха чугастагн чуолкайдык көстөрө - ардах эбэтэр хаар түһэригэр.
ӨЛӨРҮҮ
Кими эрэ өлөрөрүн - байаргар.
Эйиигин өлөрөллөрө - улахан харчыны сүүйэргэр.
Кими эрэ өлөрөллөрүн көрөрүн - билэр киһин байарыгар.
Эйиигин өлөрүүгэ буруйдууллара - барыстаах дьыалаҕа кыттыһарга ыҥыралларыгар.
ӨРҮС
Сүүрүктээх өрүһү харбаан туоруур - сыралаах үлэ, дьулуурдаах туруулаһыы түмүгэр кыайыыны ситиһэргэ.
Өрүс сүүрүгэ илдьэ барара - улахан ночоот эбэтэр сүтүк тахсарыгар.
Толору уулаах ыраас өрүһү астына, дуоһуйа көрүү - үөрүүлээх түгэннэр үүнэллэригэр, олоххо бэйэ миэстэтин буларга.
Халааннаабыт өрүс суолу бүөлүүрэ - үлэни - хамнаһы, инники былааннары улахан харгыс соһуччу көстөн мэһэйдииригэр.
Уута уолбут өрүс түгэҕэ көстөрө - булбутун - талбытын симэлийэн суох буолан иһэригэр.
ӨСТӨӨХ
Түһээн өстөһөр киһигин утары көрсөҕүн - ким эрэ эйиэхэ тапталга билинэригэр.
Өстөөҕү кытарыохсуһаҕын - тапталтан дьоллонорго.
Чугас киһин өстөөх буолара - күндү бэлэх ыларга.
ӨСТҮӨКҮЛЭ
Түүлгэ өстүөкүлэ көстөрө - күнүүлэһэн кэргэни кытары иирсэргэ.
Өстүөкүлэ үлтүркэйин көрөҕүн - кэргэҥҥин олоҕо суох күнүүлээн айдааны тардарга.
Өстүөкүлэни алдьатаҕын - кэргэҥҥэр дуона суохтан кыыһыраргар.
Өстүөкүлэ атыылаһаҕын - бэйэн саҕалаандьиэ иһигэр иирсээни күөдьүтэргэр.
Ким эрэ өстүөкүлэни алдьатарын көрөҕүн - тугу эрэ бэйэн аҥаардастыы быһаараҥҥын дьиэҕэ этиһии тахсарыгар.
Өстүөкүлэ туруораҕын - аймахтарын эйиигиттэн сылтаан кыыһырсалларыгар.
ӨТӨХ
Эргэ өтөххө сылдьыы - ыарыыга.