"Мин эйиигин итэҕэйбэппин" диэн санаатын аһаҕастык эппэт киһи быһыытынан - таһаатынан, туттарынан - хаптарынан биллэллэр. Кини илиитэ - атаҕа "күлүүстээх" буолар эбэтэр кулгааҕын тыытар - ити аата "лапсаны ыйаама" диир быһыыта.

Табахсыт буруотун аллара үрэр буоллаҕына, кини эн этиигин ылыммакка турар, аккаастыыр санаалаах. Буруотун үөһэ үрэр буоллаҕына,  эйиигинниин сөбүлэһэ турар. Туора үрэр - саарбахтыыр, толкуйдуур.

Дьон сүрүн сыыһата - кинилэр болҕомтолорун тугу баҕарбаттарыгар уураллар: "Мин үлэбэр хойутуохпун баҕарбаппын", "Мин кэргэним дьахтарымсах буолуон баҕарбаппын" Тардыһыы күүһэ бу дьон маны баҕарбаттар эбит диэн өйдөөбөт.

Утуйар ууну кытта  көтүтэр санаа баттыга баар буолар. Муунтуйуу кэмигэр күнүнэн олорор олус көдьүүстээх. Хас да сыллаах былаанынан салайтарбакка, субу күннээҕи үөрүүттэн үөрэн сылдьыахха наада. Ону сэргэ:

Джон Моллой диэн учуонай «Эр дьон кэргэн ылалларыгар кинини буолбакка тоҕо атыттары талалларый?» (Why Men Marry Some Women And Not Others) диэн кинигэтигэр 3, 5 тыһыынча эр киһиттэн ыйыталаһан, туох киритиэрийинэн ойохторун талбыттарын туһунан суруйар.