Бравина Р.И.
ПААМАТЫННЬЫК
(көр: МОНУМЕНТ)
ПААРКА
Паарка устун дьаарбайа хаамарын - таптыыр киһигин кытта көрсөргөр.
Кыһыҥҥы пааркаҕа сылдьарын - бтлэр киһин ыарытыйарыгар.
Паркаҕа аттракционнары сэргээн көрөрүн - өйдөөх, үөрэхтээх дьону кытта кэпсэтэргэр.
Аттракционнарга хатааһылыырын - быстах тапталга ыллараргар.
ПАВЛИН
Павлин - дьикти киһилиин билсэргэ.
Павлины үргүтүү - туохха эрэ табылларга.
ПАНИХИДА
Панихида - ыалдьыттыы ыҥырылларга.
ПАРААД
Параад - арҕаа омуктарга түүрмэ сүрэ.
ПАРАШЮТ
Парашют - көмүскэл, хахха бэлиэтэ.
Парашютунан ыстанан этэҥҥэ сиргэ түһүү - туохтан эрэ дьахханан , сөптөөх миэрэни ыларга.
Парашют аһыллыбата - көмүскэнэр ньымалар ситэтэ суохтарыгар.
ПАРИК
Парик кэтии - ыксаллаах балаһыанньаҕа ыкиаран бэйэни мөкү өттүнэн көрдөрүү.
Билэр киһин парик кэтэ сылдьара - ол киһиттэн тэйиччи туттар наада, туох эрэ куһаҕаҥҥа ыймыан сөп.
ПАРИКМАХЕР
Түһээн парикмахер буолбуккун - инники эргиччи үчүгэй буоларыгар.
Билэр киһин парикмахер буолбута - ыарахан кэмҥэ аймахтар харчынан көмөлөһөллөрүгэр.
Парикмахердыын көрсүһүү, сэлэһии - ситиһиилэнэргэ.
ПАРИКМАХЕРСКАЙ
Парикмахерскайга олороргун түһүүгүн - сотору эн ааккын туох эрэ соччото суох быһыыга кыбыталларыгар.
Парикмахерскайга баттаххын кырыттараҕын, эбэтэр бүрүчүөскэ оҥоттороҕун - чэпчэкитик, солуута суох быһыыланаргар.
Парикмахерскайга баттаххын кырааскалатаҕын - ааккын - суолгун өстөөхтөргүттэн көмүскүүр, харыстыыр түгэн ыгарыгар.
Парикмахерскайга атын дьон баттахтарын оҥоттороллорун көрөҕүн - дьиэҕэр - уоккар улахан кыһалҕа үөскүүрүгэр.
ПАСПОРТ
Милиционерга эбэтэр суут - сокуоне үлэһитигэр паспоргын көрдөрөҕүн - олоҕун сорох түгэннэрин дьонтон кистиигин.
Кыраныысса таһыгар тахсар паспоры ылаҕын - үлэҕэр үрдүк хамнастаах дуоһунаһы ыларгар, эбэтэр кэтэх тэрилтэлээх буоллаххына, барыс киирэригэр.
Оҕоҥ паспорт ылара - төрөппүт быһыытынан сэмэҕэ тардылларгар.
ПАССАЖИР
Куорат транспорыгар айанныыгын - туох эрэ дохуотуттан матаҕын.
самолетунан көтөҕүн - карьеран табылларыгар, салайааччы буоларгар.
Элбэх пассажир тоҕуоруспутун көрөҕүн - чуҥкук дьону кытта бириэмэҕин халтай атаараргар.
вокзалга пассажирдары көрсөҕүн - чугас доҕорун соһуччу таҥнарарыгар.
Бириистэҥҥэ пассажирдары көрсөҕүн - туох эрэ соччото чуох көргө - нарга сылдьаргар, онтон кыбыстаргар.
Пассажирдары атаараҕын - хомойоргор.
ПЕТРУШКА
Петрушканы олордуу, көрүү - харайыы, хомуйуу - күүстээх үлэ нөҥүө санаабыты ситиһэргэ.
Петрушканы сиир - өтөрүнэн ыарыыга ылларбакка.
ПИАНИНО
(көр ФОРТЕПЬЯНО)
ПИИБЭ
Пиибэ иһии - харчыны сүтэрэргэ.
Ким эрэ пиибэлиирин көрүү - чугас аймахтартан хомойорго-хоргутарга.
Пиибэни тоҕуу - тугу эмэ ситиһэргэ.
ПИРАМИДА
Пирамида - ситиһии бэлиэтэ.
Пирамидаҕа ыттыы - олох сүрүн сыалын сыралаһан туран ситиһэргэ.
Пирамида үрдүгэр тураҕын - ситиһии чыпчаалыгар тиийбиккин ыйар түүл.
Пирамида иһигэр сылдьыы - сыалы толору ситиһэр туһуттан эбии үөрэнэр ирдэнэрин бэлиэтэ.
Билэр киһин пирамидаҕа ыттара - чугас дьонун эйиигиттэн көмө, өйөбүл күүтэллэригэр.
Пирамида тутулларын көрүү - уустук, ыарахан үлэ сөптөөх төлөбүрэ суох хааларыгар.
ПОЕЗД
Пассажирскай поездка айаннааһын - үтүө дьону, доҕоттору кытта билсиһэн, олоххо сонун интириэһинэй кэм кэрдии саҕаланарыгар.
Купе иһигэр олорон айанныыгын - көрдөөх-нардаах хампаанньаҕа сынньанарга.
Уопсай вагоҥҥа олороҕун - үтүөнү баҕарбат дьон эн тускунан ол бу сурах - садьык ыыталларыгар.
Айаннаан иһэр поеһын бытаан, суолугар тардыллар - олоҕун чуҥкук соҕус, онон тугу эрэ уларытар, саҥа сүүрээни киллэрэр кэм кэлбит.
Түргэн айаннаах поезд - тэтимнээхтик үүнэр карьера бэлиэтэ, наадалаах дьону кытта билсиһэн, дьыаланы харса суох быһаарсарга табыгастаах кэм.
Поезд саахалланыыта - дьыалаҕа - куолуга сэрэхтээх буолар наада.
Табаарынай поезд - барыс, дохуот сүрэ.
ПОЛИГОН
Байыаннай полигоҥҥа сылдьыы, сэрии сэбин тыаһын истии - олоҕун холорук курдук өрө ытыйан, ситиһии үрдүк чыпчаалыгар үктэннэрэригэр.
ПОРТРЕТ
(көр МЭТИРИЭТ)
ПОЧТА
Түһээн почта кэлэрин көрдөххүнэ - туох эрэ соччото чуох сонуну истэҕин.
ПРОЖЕКТОР
Прожектор уотунан сирдэтии - кырдьаҕас киһи сүбэтин истэргэ.
Прожектор уотуттан харах саатара - мөҕүллэргэ, дьарылларга.
ПУДРА
Пудра туһалаах киһилиин билсиһиигэ көстөр.