Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Түүлү тойоннооһун-Ы
КҮН КУЙААРЫМА ТҮҮЛДЬҮТЭ:
ЫАРЫТЫЙЫЫ - Түһээн ыалдьар хайдах түһүүргүттэн тутулуктаах - төттөрүтүн доруобуйа көнөрүгэр эбэтэр уустук балаһыанньаҕа түбэһэн, онтон хайдах тахсар туһунан санааҕа ылларыы түүлэ буолуон сөп.
ЫЙ - Ый - айылҕаттан таайтарыылаах дьикти күннэр үүммүттэрин биллэрэр эбэтэр туох эрэ киһи соһуйар сураҕын истэргэ, соһуччу тапталга көстөр.
ЫРААХТААҔЫ - Бэйэн ыраахтааҕы буоларын - өр кэмҥэ кыаһылаабыт кыһалҕалары тоҕута сынньан босхолонорго.
- Ыраахтааҕына туораттан көрүү - ситиһиигэ, дьыала - куолу табылларыгар, буруйу-сэмэни боруостуурга.
ЫРЫА - Дьон ыллыырын истии - ким эрэ өлбүтүн туһунан истэргэ.
- Бэйэн ыллыырын - чуга дьоҥҥуттан куһаҕан сонун тутарга.
ЫҺЫАХ - Ыһыах - куһаҕаны билгэлиир, өлүүгэ-сүтүүгэ.
ЫТ - Сахаларга ыт - ыарыы сүрэ.
- Ыт ытырара - улаханнык ыалдьарга.
- Ыттан куотуу - ыарыыны этэҥҥэ аһарарга.
- Дьиэҕитигэр ыттаах буоллаххытына - ыккыт ыалдьарыгар эбэтэр дьиэ иһигэр этиһии тахсарыгар, биитэр ыккыт дьиэҕитин - уоккутун туохтан эрэ көмүскээри түүлгэ киирэн сэрэтэр быһыыта.
БРАВИНА Р.И. ТҮҮЛДЬҮТЭ: ЫАЛ - Түүлгэ чугас ыалгын кытта сэлэһэрин — хоп-сип тарҕанарыгар.
ЫАЛДЬЫТ - Түһээн бэйэн ыалдьыт буоларын — элбэх ороскуокка тэбиллэргэр.
- Эйиэхэ элбэх үөрбүт-көппүт ыалдъыт дьон кэлиилэрэ — доҕоргун кытта кыыһырсаргар.
- Санааҕа-онооҕо ылларбыт ыалдъыт кэлэрэ — барыс киирэригэр.
- Ыалдьыттаргын кытта аһаан баран, айдаарсан, турарын — тугу эрэ сүүйэргэр.
- Кимиэхэ эрэ ыалдьыттар кэлбиттэрэ — чугас дъонун туһунан хоп-сип сураҕы истэргэр.
ЫАРЫЫ - Сахаҕа ыарыы, ыарытыйыы — таҥнары тойоннонор, онон туруктаах буолуу бэлиэтэ.
Арҕаа культураҕа хас биирдии ыарыы бэйэтэ туһунан суолталаах: - Ангина — үлэттэн салҕарга, чуҥкуйарга.
- Астма — дьон ортотугар балаһыанньан уларыйарыгар.
- Иирии — өстөөхтөрүн туох эрэ куһаҕаны оҥороллоругар.
- Бронхит — чугас киһин ыалдьан, былаанын тохторугар.
- Ис ыарыыта (дизентрия) — атын киһи алҕаһыттан эрэйгэ тэбиллэргэр.
- Саһарар — улахан толкуйга ылларыан эрээри ол эйигиттэн тутулуга суох этэҥҥэ быһаарыллыа.
- Титириир — кыра аайыттан долгуйан улахаҥҥа суолта биэрбэккин, онон бэйэ бодоҕун тардынарын наада.
- Илии-атах ыарыыта — чугас дьонун өһөстөрүттэн ночоотураргар.
- Тыҥа ыарыыта — уһун үйэлэнии бэлиэтэ.
- Тирии ыарыыта — сотору кэминэн үлэҕэр үөһэттэн улаханнык кыһарыйыахтара эрээри иннигин биэрбэккэ турууластаххына, бэйэн кырдьыккын таһаарыан.
- Тартарар ыарыы — лотереяҕа сүүйэргэр.
-
ЫАС - Ыас ыстыыр — кураанахха түбүгүрэргэ.
- Ыас атыылаһыы — дьыала тохторугар.
-
ЫЙ - Былыргы саха ыйы түһээн көрдөҕүнэ - ойуун хараҕын уотугар түбэспит тэҥэ сананан сэрэнэрэ-сэрбэнэрэ.
ЫЙААһЫН - Ыйааһын түүлгэ көстөрө - сэрэтэр суолталаах, онон улахан сыыһаны оҥорбот инниттэн хас биирдии хамсаныыгын, тылгын-өскүн толкуйдуурун наада.
- Ыйааһыҥҥын кэмнэнэҕин — баай-дуол боппуруоһугар кырдьыктаах суолу тутуһуон.
- Тугу эрэ ыйыырын — сотору сөптөөх быһаарыыны ылынаҥҥын, дьон-сэргэ кэрэхсэбилин ылыан.
- Ким эрэ ыйааһынынан туттарын көрөҕүн — эн инники дьылҕан чугас дьонун өйдөрүттэн-санааларыттан быһаччы тутулуктааҕын биллэрэр.
ЫМЫЫ (ТАЛИСМАН) Ымыы гынар малы илдьэ сылдъаҕын — эйигин араҥаччылыыр киһи көстөрүгэр. Талисман бэлэх ылаҕын — баҕа санаан туоларыгар. Кимиэхэ эрэ талисман бэлэхтиигин — ким эрэ эйи¬гиттэн көмө көрдүүрүгэр. ЫМЫЫ (чыычаах) Ымыы - эйэ, доҕордоһуу кэрэһитэ. ЫҤЫРЫА Ыҥырыа — барыстаах кэпсэтиини ыытарга тоҕоостоох кэм үүммүтүн эбэтэр эргиэн дьыалата табыллыаҕын ыйар. ЫҤЫЫР Ыҥыыр — айаҥҥа турунуу бэлиэтэ. Алдьаммыт эбэтэр эргэ ыҥыыр — дьыала атахтанар, аанньа табыллыбат. Айаннаан иһэн ыҥыырын холборуйан түһэрэ — туһааннаах сыалын туолбат. ЫРААХТААҔЫ Ыраахтааҕы - харчы сүрэ. Ыраахтааҕы бүрүстүөлэ (трона) — дьыала-куолу санаа хоту салалларыгар. Бүрүстүөлгэ олоруу — кыайыы-хотуу кынаттанарга. ЫРБААХЫ Нуучча культуратыгар ырбаахы — таптал сүрүн бэлиэтэ. Ырбаахыгын өтүүктүүгүн — тапталлааххын кытта көрсүһэргэ бэлэмнэнэҕин. Ырбаахыгын тигэҕин, абырахтыыгын — таптыыр киһигин араарбат, тэйиппэт туһуттан элбэхтик сүүрэргэр, эрэйдэнэргэр тиийэҕин. Сырдык дьүһүннээх саҥа ырбаахыны кэтэрин — эйиигин таптыылларын бэлиэтэ. Кыһыл ырбаахы — таптыыр киһин эйигин олуһун күнүүлүүр. От күөх ырбаахы — тапталлааххын кытары арахсаргар. Хара ырбаахы — таҥнарыы бэлиэтэ. Ырбаахы атыылаһыы — быстах кэмҥэ киминэн эрэ үлүһүйэргэ. Ырбаахы бэлэхтииллэрэ — эйигин ким эрэ таптыырын таайбаккын. Эн ырбаахы бэлэхтшгш — таптыыр киһин тапталгар хардарбататыгар. Ырбаахыгын атыылыыгын — сотору тапталлааххыттан кэлэйэргэр. ЫРЫА Түүлгэ эр киһи ырыатын истин — дьолго-соргуга. Дьахтар ыллыыра — ытыырга. Хор ыллыырын истэрин —- эйигин сэҥээрээччилэр үксүүллэригэр, аатын-суолун киэҥник биллэригэр. Бэйэн ыллыырын — бэйэн уонна чугас дьонун туһунан хоп-сип тарҕаммытыттан хомойоргор, хоргутаргар. ЫРЫЫНАК Ырыынак — үлэҕэ-хамнаска туох эрэ саҥа саҕалааһын бэлиэтэ. Түһээн ырыынагы кэрийэҕин — саҥа саҕалыыр дьыалаҕыттан туох да үчүгэй тахсыбат эрээри урукку өстөөххүн кытта эйэлэһиэххин сөп. Ырыынакка сылдьан кими эрэ кытта этиһэрин — тугу эрэ саҕалыырын табыллыбатыгар, онтон сылтаан дьиэҕэр айдаан тахсарыгар. Ырыынакка тугу эрэ атыылыыгын — саҕалаары сылдьар дьыалаҕын доҕорун быһа түһүө эрээри онтон улаханнык туһаныа суоҕа. ЫСКААП Ыскаабы хаһан, таҥас булан ыларын — урут хаһан эрэ баһылаабыт үөрэххин, билиигин хаттаан сөргүтэн үлэҕэр туһанаргар. Түүлгэ кураанах ыскаап көстөрө — тугу эрэ баар дии санаабытын суох буоларыгар. ЫСТААН, БҮРҮҮКЭ Сахаҕа ыстаан кэтии — үчүгэй олохтоох уол оҕо төрүүрүгэр. Арҕаа омуктарга ыстаан, бүрүүкэ — туох эрэ чиэһинэйэ суох дьыалаҕа киирэн биэриини сэрэтэр. Бүрүүкэ кэмнэнии — чугас дьоҥҥо сымыйалыырга. Бүрүүкэ атыылаһыы — чиэһинэйэ суох дьыалаҕа кыттыһан баран, кэлин кэмсинэргэ. Ыстааҥҥын тиктэҕин, абырахтыыгын — бэйэн буруйгунан уустук балаһыанньаҕа түбэһэргэр. Ким эрэ бүрүүкэ тиктэр, абырахтыыр — сотору чу¬гас киһигиттэн сылтаан кыһалҕаҕа ыктараргар. Бүрүүкэҕин өтүүктүүгүн, ыраастыыгын — ааккын-суолгун төнүннэрэргэр элбэх сыра ирдэнэр. ЫСТАНЫЫ Түһээн өрүтэ ыстаҥалааһын — саҥа дьыалаҕа кыттыһарга эбэтэр туох эмэ саҥаны айарга, арыйарга. Араас мэһэйдэри ыстанан туорааһын — олоххо көрсөр үгүс ыарахаттары этэҥҥэ туоруурга, туруоруммут соругу ситиһэргэ. ЫСТАРААП Ыстараап төлүүрүн — билэр киһин улахамсыйан, туох эрэ кыһалҕаҕа ылларыан. Кими эрэ бэйэн ыстарааптыыгын — доҕоргуттан кэлэйэргэр. ЫТ Ыт — киһи доҕоро, ол сиэринэн түүлгэ ыт — доҕор киһи бэлиэтэ. Сырдык дъүһүннээх ыт утары кэлэн эккэлиирэ — доҕор кэлэригэр; онуоха ыт оҕото — бэйэҕиттэн балыс, эдэр доҕорун; маҥан ыт — үчүгэй эрэллээх доҕорун. Ыты кытта оонньуурун — чугас киһин ыалдьарыгар. Ыты имэрийэрин — чуҥкуйаргар. Ыты кырбыырын — чэгиэн буоларгар. Ыты аһатарын — бэйэн буруйгунан туох эрэ куЬаҕан суолга ыйманаргар. Ыт үрэрэ — үчүгэй сонуну истэргэ. Ыт ырдьыгыныыра — куһаҕан майгылаах киһилиин алтыһарга эбэтэр бэйэн майгын алдьанарыгар. Ыт ытырара — куһаҕаҥҥа. ЫТАРБА Арҕаа омук түүлүн тылыгар ытарҕа - үөрүүлээх түгэни мэктиэлиир. Маҕаһыыҥҥа ытарҕаныаны көрүү, талыы — учугэй улэни буларга. Ытарҕа атыылаһыы — сыаналаах бэлэҕи ыларга. Ытарҕа кэтии — хайа эрэ ыал кистэлэҥин билэргэ. Ытарҕаны устуу — эйиэхэ ким эрэ тапталыгар билинэригэр. Ытарҕа алдъанара — хоп-сип истэргэ. Ытарҕа сүтэрэ — ночоотурарга. Сахаҕа ытарҕа — кыыс оҕо төрүүрүн сүрэ. Кыһыл көмүс ытарҕа — үчүгэй кыыс оҕо төрүүрүгэр. ЫТЫРДЫЫ Түһээн дьоллоох киһи ытырдар. ЫТЫС Ытыһын тэһэҕэс буолбутун түһүүрүн — ночоотурууга. Ытыһын түүлэнэрэ — барыс ыларга. ЫТЫЫР Ытыыр — үөрэргэ. Күүскэ марылаччы ытыыр — өр кэтэспит үөрүүлээх түгэн үүнэригэр, дьол-соргу тосхойугар. Түүлгэр ким эрэ ытыыр саҥатын истэрин — ким эрэ эн көмөҕөр наадыйара.
Суруйда Baaska. 2011-12-12 19:35:07 +10.
|
|
^ Үөһээ DIV >
|