МИН КЭЛЛИМ...
Доҕоттоор, мин кэллим дойдубар,
Ийэкэм төрөөбүт сиригэр,
Дьааҥы таас хайатын тэллэҕэр,
Сэбээн Күөл алгыстаах сиригэр!
Уучахтар тоҥ хаары силэйэн
Күн суолун батыһа сүүрэллэр,
Эрчимнээх, эйэҕэс эбээннэр
Эбэҕэ һээдьэлээн тэйэллэр.
Дууһабар ыллыыллар ымыылар,
Былыттар усталлар тулабар,
Иэйиикэм кылларын таарыйа
Айылҕа кэрэтэ арыллар.
Доҕоттоор, мин кэллим дойдубар,
Күн тахсар хайатын анныгар
Ийэкэм төрөөбүт биһигэр,
Сэбээним эриэккэс сиригэр!
СЭГЭЙ. 02.04. — 06.04. 2016 с.