Састааба:
- 0.5 ыстакаан майонез
- 0.5 ыстакаан кефир
- 5 остолобуой ньуоска бурдук
- 4 сымыыт
- туус
- быһах төбөтүгэр суода
- 1 баанка балык кэнсиэрбэтэ
- 0.5-1 ыстакаан буспут ириис
- луук
Луугу кыра гына кырбаан баран, кыра арыыга ыһаарылаан ылабыт уонна ирииһи, балыгы кытта булкуйан кэбиһэбит. Майонеһы уонна кефири эбэтэр маҕаһыын сүөгэйин холбуубут, сымыыт кутабыт, туус, суода эбэбит, ол кэннэ бурдугу. Сүөгэй курдук тиэстэ буолар, наһаа хойуута да убаҕаһа да суох. Буһарар формаҕа тиэстэ аҥаарын кутабыт, үрдүгэр балыктаах ирииһи тарҕаччы уурабыт, онтон тиэстэ тобоҕунан бөрүөк үрдүн ньуосканан кутан бүрүйэбит. Духуопкаҕа уган, орто уокка 25-30 мүнүүтэ буһарабыт. Маннык бөрүөккэ балык оннугар эти эмиэ угуохха сөп.
Саха аныгы ыалын сандалыта. В.Г.Сивцева. Бичик 2013