Туох наадата:
- 5 ыстакаан сүөгэй
- 100 г сэлиэһинэй бурдук
- 250 г этэ суох ыраас сылгы хаһата эбэтэр сүөһү хара иһэ.
Астаныыта:
Аата этэрин курдук урууга астаныллар. Сылгы хаһатын (Адьас былыр сүөһү хара иһин эмиэ тутталлара) бытархай гына кырбаан уонна ититиллибит чугууҥҥа арыыта тахсыар диэри оргутун. Тахсыбыт арыыга бурдугу кыра-кыратык, хомуоҕурбат гына кутан, булкуйан, кэриэрдэ соҕус буһарын. Хойуу сүөгэйи кутан ытыйын уонна арыыта үөһэ дагдайан , халыйан тахсыар диэри кыра уокка буһарын. Мас кытыйаларга кутан биэрин.
2014 Саха ыалын халандаара.