Табахсыт буруотун аллара үрэр буоллаҕына, кини эн этиигин ылыммакка турар, аккаастыыр санаалаах. Буруотун үөһэ үрэр буоллаҕына, эйиигинниин сөбүлэһэ турар. Туора үрэр - саарбахтыыр, толкуйдуур.
Табаҕын сутуругар тутар - настырыанньата суоҕун кистиир, арыллар санаата суох.
Табаҕы тутар тарбахтара көнөлөр - бэйэтин кыаҕар эрэнэр, эйиэхэ аһаҕас.
Дьахтар бэгэччэгин эр киһиэхэ көрдөрөрдүү табаҕын тутар - оонньоһор, угуйар санаалаах.
Түргэнник тардар - барыны - бары сүүрүүнэн оҥорор, ыксамар, күөстүү оргуйар олохтоох.
Бытааннык тардар - олоххо эмиэ бытаан, өр толкуйдуур, сыымайдыыр. Айар үлэ киһитэ буолуон сөп.
Хараҕын симэр - улахан толкуйга түспүт, киниэхэ мэһэйдээмиэххэ наада.
Буруотун синньигэстик үрэр - быһаарыныылаах, хорсун, имэҥнээх, эппиэтинэстээх.
"Төгүрүктэри" үрэн таһаарар - курус санааҕа куустарымтыа, сымнаҕас, быһаарыныыта суох.
Саха ыалын халандаара - 2013