Туох наадата:
- Иэдьэгэй - 1 кг
- Үүт - 1 л.
- сымыыт - 3 устуука
- ынах арыыта - 100 г.
- Суода - 1 ч.нь.
- Туус - 1,5 ч.нь
Астаныыта:
Үчүгэй сыыр табылларын туһугар иэдьэгэйбиткураанах уонна олус арыыта суох буолуохтаах.
Үүккэ иэдьэгэйи кутан сылыта уурабыт. 7-10 мүнүүтэ булкуйа-булкуйа оргутабыт. Иэдьэгэй кураанах буоллаҕына тута ууллан, сыыйыллаҕас буолан барыахтаах.
Бэлэм буолбут маассаны маарылаҕа тэлгэппит дуршлагка кутабыт, уутун сүүрдэбит. илиибитинэн ыган биэриэхпитин сөп.
2-3 мүнүүтэ устата уута сүүрбүтүн кэннэ, иэдьэгэйбитин халыҥ түгэхтээх иһикэ угабыт уонна онно сымыыт, арыы, туус, суода эбэн илиибитинэн булкуйабыт.
Бу маассабытын уокка уурабыт, булкуйарбытын тохтоппокко 5-7 мүнүүтэ буһарабыт. Оҥорбут аспыт иһит кытыытыгар сыстыбат буола эрэ сыыр бэлэм буолар.
Сыырбытын улахан бүлүүдэҕэ ууран, салапаанынан сабабыт уонна сөрүүн сиргэ сойута уурабыт.
Светлана ТИМОФЕЕВА "Кыым" хаһыат кулун тутар 28 күнэ 2013 сыл.