Биологията.

Эриэппэ – икки сыллаах, эрдэ ситэр, сөрүүнү сөбүлүүр үүнээйи. Сиэмэтэ атын силис астаах үүнээйилэр сиэмэлэринээҕэр саамай бытархайдара. Кып кыра сиэмэлэр 2-3 кыраадыска тыллллар, үүнээйи 15-18 кыраадыска үчүгэйдик үүнэр. Саҥа быкпыт үүнэйи -2, онтон улааппыт үүнээйи -5 күүстээх хаһыҥы тулуйаллар.

Эриэппэ күлүгэ суох күннээх, үчүгэй сииктээх, быйаҥ уонна тууһа суо почваҕа табыллан үүнэр. Кини орук оҕурсу, хортуоппуй, помидор, луук үүммүт элбэх органическай уоҕурдуу киллэриллибит сиригэр үчүгэй үүнүүнү биэрр. Хаппыыста, редис, редька, брюква үүмүт сиригэр эриэппэни үүннэрбэттэр.

Агротехника.

Саха сиригэр орйуоннаммыт биир суорду үүннэрэллэр.
Петровская 1 – хойуутаан ситэр, орто үүнүүлээх суорт. Силис аһа үүнээйи быган тахсыаҕыттан 65-70 хонугунан ситэр. Силис аһынорто ыйааһына 150-300 г. Буолар. Амтанынан ханнык баҕарар атын суортары баһыйар. Аһын этэ алтан араҕас өҥнөөх, симэһиннээх, минньигэс. Формата хаптаҕай эбэтэр төгүрүктүҥү хаптаҕай хотоҕор түгэхтээх. Үүнэр кэмигэр курааннаабыт буоллаҕына силис аһа аһыы амтаннанар. Ханнык баҕарар үүнэр.
Эриэппэни ыам ыйын ортотугар эрдэ сиргэ уонна бэс ыйын бүтүүтүгэр хаһааарга анаан ыһаллар. Ыһар сиэмэ нуормата 0,2-0,3 г./м2, схемата – 15x3 см, дириҥэ – 1,5 см. Үүнээйилэр быган тахсыбыттарын кэннэ 2-3 нэдиэлэ кэнниттэн бэйэ бэйэлэрин мэһэйдэспэттэрин аадатыгар икки ардыларын 8-10 см гына убатан биэрэллэр. Сөптөх бириэмэҕэ буору көбүтэллэр, сыыс оттору үргүүллэр, уу куталлар, эбии аһаталлар уонна буортулаах үөнэри утары охсуһаллар. Сайын устата эриэппэни биирд – ккитэ брюкваны аһатар курдук эбии аһаталлар.
Саас эрдэ ыһылыбыт эиэппэ улааппыт силис астарын от ыйын үһүс декадатыгар талан хомуйбутунан бараллар. Оттон сайын ыһыллыбыт хойуутаан ситэр эриэппэни күһүн күүстээх хаһын түһүөн иннинэ хомуйаллар. Үүнээйи отун силис ас төбөтүн кытта тэҥнии быһаллар. Син биир брюкваны хаһаанар курдук 6-7 хонук устата дьиэ иһигэр, 20-чэ хонук холодиьникка уурдахха буорту буолбаттар. Кыһын боппуолдьаҕа 1-2 кыраадыска атын силис астаахтар крдук хаһааналлар.

Львова П.М. "Силис астаахтар. Луук араас көрүҥнэрэ" - Дьокуускай: Бичик, 2006.