Сылытыллыбыт теплицэҕэ помидор арассаадатын олохтоох миэстэтигэр бэс ыйын саҥатыгар олордорго, сиэмэни  муус устар 5-10 чыыһылаларыгар ыһыллар. 

Помидор сиэмэтин бастаан пленка дьааһыкка эбэтэр иһиккэ ыһыллар. Буорун халыҥа 5-6 см буолар, үчүгэйдик илитиллэр, хаптаһынынан ньуурун тэҥнэниллэр, чиҥэтиллэр уонна чараас дырааҥкы кырыытынан 0.5 см  курдук дириҥ гына батары баттаан, 4-5 см арыттаан, дьааһыгы, иһити туора кыракый сурааһыннары оҥоһуллар. Сурааһыннарга 1-2 см арыттаан араскылаах эбэтэр бөскөйбүт сиэмэлэри түһэриллэр. Үрдүнэн 0.5-1 см халыҥ гына мас көөбүлүн эбэтэр кунуһу сиидэлээн кутуллар уонна сиэмэ быган тахсыар диэрипленканан сабан, ичигэс (20-25 кыраадыс) миэстэҕэ туруоруллар. Сиэмэ тахсаатын кытта пленканы устуллар. Саҥа быспыт үнүгэстэр сиэмэ хаҕыттан түргэнник босхолоноллорун наадатыгар, күҥҥэ хаста да уунан ибиирэн биэриллэр. Помидор үнүгэстэрин, 12-15 хонугунан пленка ыстакааннарга эбэтэр дулҕа кубиктарыгар көһөрөн биэриллэр.

Саха ыалын халандааоа -2012