Үгүс сиэмэ 3-5 сыл устата тахсар кыаҕын сүтэрбэт. Оҕурсу, кабачок, помидор сиэмэтэ 8-10 сыл туох да буолумуон сөп. Моркуоп, сельдерей, укроп, ревень 2-3 сылынан тахсыбат буолаллар. Ол эрэн ити бэйэн сиэмэлээбитин эрэ итинник буоларын умнума.

Атыыга кэлэр сиэмэлэри ким, хаһан, хайдах бэлэмнээбитэ биллибэт. Онон сыл аайы саҥаны ылар ордук. Сиэмэни олордорго былааннаабыккынааҕар арыый элбэҕи ылар наада. Олордоргор түргэнник тахсыбыт арассаадаларгын талаҕын. Түргэнник тахсыбыт сиэмэттэн үүммүт үүнээйи аһын эрдэ биэрэр.

Сиэмэни кытта оҕуруот аһын араас ыарыыта кэлиэн сөп. Бэлэм сиэмэлэр ититиллэн, хатарыллан, ыраастанан кэлэллэр да, сэрэххэ марганцовка 1% сурадаһыныгар 20 мүнүүтэ сытыарар ордук. Оттон 2-3 сыл сыппыт оҕурсу, помидор сиэмэлэригэр ыарыыны көбүтээччилэр бэйэлэрэ өлөллөр. Онон кинилэри куттаммакка ыһыахха сөп.

Саха ыалын халандаара - 2012