Хортуоппуй сиригэр сибиэһэй номуоһу кутуллубат. Сыыс от оннук сиргэ сөбүлээн үүнэр. Санаттахха, 5-6 сыл сыппыт эргэ ноһуому киллэрэр ордук.
Атыыга баар "Исполин картофельный", "Исполин универсальный" диэн органическай уоҕурдууну хас биирдии лууҥкаҕа кутуохха сөп. Олус үчүгэй уоҕурдуу.
Сиэмэ хортуоппуй көрүҥнээх, хайыта барбатах буолуохтаах. Кэлиҥҥи кэмҥэ иһиттэн харааран сытыйбыт, эбэтэр хара бээтинэлээх хортуоппуй элбээтэ. Өскөтүн сиэмэ хортуоппуй хаачыстыбатын саарбахтыыр буоллаххына, бактерияларын ыраастыыр туһугар луук хаҕын ууга оргутун (Хойуу чэй өҥө буолуохтаах). Хортуоппуйу бу ууга 8 чаас сытыарын. Куурдан баран олордун. Сиэмэҕэ 2-3 араскылаах сымыыт саҕа хортуоппуй барсар. Биир араскылаах хортуоппуй аһа мөлтөх буолар. Хортуоппуйу олус дириҥ сиргэ буолбакка, 5-7 см дириҥнээх лууҥкаҕа олордун.
Екатерина Афанасьева. "Кыым" хаһыат 2017 сыл муус устар 27 күнэ.