Газон оҥостор сир оллура - боллура суох, дэхси уонна киэҥ буолуон наада. Сыырынньа да сиргэ оҥостуохха сөп. Мас, сэппэрээк тула газону оҥорор табыгаһа суох. Кэлин газон отун охсорго эрэйдээх, көстүүтэ мөлтөх буолар.Охсуллубатах от эһиилгитигэр хаппыт сэтиэнэх от буолар.
Сиэмэни ыһыах эрэ иннинэ буорга минеральнай уоҕурдууну (азофоска, аммофоска уо.д.а.) эбэн булкуйуллар. Газон ото тахсыыта почва сииктээх кэмигэр 1 кв м. иэҥҥэ 30-45 г. азот, 16 г. фосфор, 10 г. калий минеральнай уоҕурдуунан аһатыллар. Сайын ортото газон отун охсон баран өссө биирдэ карбамидынан уоҕурдуллар. Уоҕурдууну газон олус сииктээх эрдэҕинэ уонна олус күн сыралҕанын кэмигэр кутуллубат.
Газону сааскыттан саҕалаан атырдьах ыйын ортотугар диэри ыһыахха сөп. Сиэмэни кураанах кумаҕы кытта (1:1) булкуйан ыстахха, сиргэ түһүүтэ дэхси буолар. Ыһар нуормаҕыт - квадратнай миэтэрэҕэ 20-40 г., эбэтэр биир биэдэрэ сиэмэ биир суотай сиргэ.
Анна Емельянова - тыа хаһаайыстыбатын наукатын кандидата. Саха ыалын халандаара - 2013