Хас биирдии киһи олоҕор тус-туһунан дьаһанарын биһиги сүрүннээн кини майгытынан быһаарабыт. Ким эрэ бытаан, ким эрэ түргэн, сорох киһи суруллубут быраабылаларынан дьаһанар, сорох көҥүллүк айарын-тутарын ордорор. Ис дьиҥэ, биллэн турар, биһиги мэйиибит ураты оҥоһуутугар сытар. Иһигэр киирэн ырытар буоллахха, киһи мэйиитин уҥа-хаҥас өлүүлэрэ, аҥардара хайдах алтыһан үлэлииллэриттэн тутулуктаах.

Сир үрдүн дьонун мэйиилэрин уҥа эбэтэр хаҥас аҥардара баһыйар өрүттэринэн быһа холоон араарыахха сөп. Ол эрэн общество технократическай сайдыыта ордук мэйиилэрин хаҥас аҥардара баһыйар дьон элбэҕэр төһүү күүс буолар диэн бэлиэтииллэр. Биһиги ортобутугар уҥа илиинэн суруйар дьон элбэҕэ да ону көрдөрөр (мэйии уҥа өттө ханас илиини, хаҥас өттө уҥа илиини быһаарар).

Мэйии хаҥас аҥара баһыйар дьоно ырытар, сааһылаан толкуйдуур дьоҕурдаахтар, тыллара-өстөрө сайдыбыт, тулалыыр эйгэҕэ сыана быһалларын, сааһыылаах, барыта орун-оннугар буоларын ордороллор.

Мэйии уҥа аҥара баһыйар дьон өйдөрүгэр оҥорон көрөр дьоҕурдаах, кэрэни сэргиир саҥаҕа тардыһар, быһаарсар, ис таайыктара (интуициялара) сайдыбыт буолар. Ити курдук хаҥастай дьон мэйиилэрин уҥа аҥара ордук баһыйар оруоллаах.

Мэйиибит хайа аҥара баһыйарын тиэс көмөтүнэн быһааран көрүөҕүн:

1. Туох эмит үлэни, дьарыгы бүтэриэхххит иннинэ атыҥҥа аралдьыйан ыларгытын сөбүлүүгүт (чэй иһэҕит, сэлэһэн ылаҕыт, таһырдьаны одуулуугут).

Ээх / суох

2. Күннээҕи олоххутугар туох эрэ буолуоҕун эрдэттэн сэрэйэн таайан билэҕит.

Ээх / суох

3. Атын дьон настарыанньатын, үөрүүтун-хомолтотун чугастык ылынаҕыт, эһиэхэ түргэнник дьон итэҕэйэн дууһатын аспыта эрэ баар буолар.

Ээх / суох

4. Эн кыраттан үөрэр-хомойор өрүттээххин, дьон сыһыана эн үлэн түмүгэр дьайар.

Ээх / суох

5. Наар сылдьар сиргитигэр туох эрэ уларыйбытын тута билэҕит (холобур, салгыҥҥа атын сыт баар буолбутун)

Ээх / суох

6. Хайдах киинэни сөбүлүүгүн диэн ыйытыыга билбэппин эбэтэр барытын интэриэһиргиибин диигин, тута этэр ыарахан соҕус.

Ээх / суох

7. Хас да үлэни, дьарыгы биир тэҥҥэ оҥорогутуттан ордук тахсыылаахтык үлэлиигит.

Ээх / суох

8. Кинигэ ааҕа олорор кэмҥитигэр өйгүтүгэр араас санаа-оноо киирэн тахсар, ону-маны бары толкуйдаан ылыаххытын сөп.

Ээх / суох

9. Наар тугу эрэ толкуйдуу, өйгүтүгэр буһара сылдьаҕыт. Биир санааны атын санаа тохтообокко солбуйар.

Ээх / суох

Эппиэккэр хайата элбэҕин аах. Ээх____ Суох____

"Ээх" элбэх буоллаҕына эн мэйиин уҥа аҥара ордук баһыйар эбит.
Эн уратын:

Ис таайыгын (интуициян), сэрэйэр өтө көрөр дьоҕургут олус сайдыбыт. Тулалыыр эйгэ дьайыыларын чугастык ылынаҕыт, түргэнник саҥа санаанан (идеянан) умайаҕыт, барытын кэрэхсиигит. Амарах майгылааххыт. Баар кы´алҕаны бары өттүттэн ырыта охсоҕут, ол эрэн ис-дьиҥин иҥэн-тоҥон билэ сатаабаккыт.

Күүстээх өрүтүн:
дьаныаргыт, аһаҕас өйгүт-санааҕыт, саҥаны түргэнник ылына охсоргут баҕарбыт сыалгытын ситиһэргитигэр кыаҕы биэрэр.

Болҕой:
Хас да куобаҕы сырсан улдьааран ы´ыллан хаалыаххытын сөп, гыныллыахтааҕы у´ата-кэ²этэ сылдьар идэлээххит.
Бэйэҕит майгыгытын ырытан көрүн - сэрэйэр таайар дьоҕургут туох туһаны аҕаларын санаан. Ис санааҕыт тугу этэринэн сирдэтин, өйгө киирэр араас былааннары ыксаабакка сааһылаан баран олоххо киллэрин.



"Суох" элбэх буоллаҕына эн мэйиин хаҥас аҥара ордук баһыйар эбит

Эн уратын:

Эһиги быһыыгыт, дьайыыгыт барыта ырытыллан былаан быһыытынан сааһыланан оҥоһуллар. Барыта орун-оннугар буоларын ордороҕут. Санааҕытын чуолкайдык этэн, быһаарсан иһэҕит. Дьонтон эмиэ бэрээдэги кэтэһэҕит.

Күүстээх өрүтүн:
Дьоһуннаахтык, олохтоохтук толкуйдуур буолаҥҥыт, санаабыккытын ситиһэн тэйэҕит, атын дьон эрэбилин эмиэ ылаҕыт.

Болҕой:
Наар биир халыыбынан дьаһаныы толкуйдааһын эһиги өйгүт-санааҕыт сайдарын атахтыан сөп.
Искусство эйгэтинэн интэриэһиргээн, тугу эмэ оҥорон айан көрөр дьоҕургутун сайыннарын. Холобур, тэттик кэпсээннэри айарга холонун. Саҥа сүүрээҥҥэ, уларыйыыларга аһаҕас буоларга кы´аллын.

"Кыым.ру"