|
.
|
|
Билигин
сайтка 2 киһи
баар
|
БYГYН: Мүөттээх сиик түһэр. Сүмэһин таһаарар үүнээйи аһылыктаах үөн - көйүүр тиллэр, ыам кумаара түһэр.
Сотору:
2 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
4 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
6 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
8 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
13 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
|
|
Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Санаа баттыгыттан төлөрүйүү
Утуйар ууну кытта көтүтэр санаа баттыга баар буолар. Муунтуйуу кэмигэр күнүнэн олорор олус көдьүүстээх. Хас да сыллаах былаанынан салайтарбакка, субу күннээҕи үөрүүттэн үөрэн сылдьыахха наада. Ону сэргэ:
- Туох эмэ интириэһинэй дьарыкта булун (Арыгы, табах, наркотик онтон да атын хара дьай дьаллыктара манна сыһыана суохтар).
- Улахан суолталаах быһаарыныылары ылыныман. Муунтуйууттан тахсыаххар диэри кимниин да арахсыма, дьиэҕиттэн, үлэҕиттэн көһүмэ.
- Аһыыр кэмҥэ аһыы, утуйар кэмҥэ утуйа сатаан. Уугут кэлбэт буоллаҕына, биир-икки чаас тахсан таһырдьа күүлэйдээн, сүүрүн-көтүн. Эбэтэр туох эрэ ыарахан эт-хаан үлэтин үлэлээн, көлөһүн алыннаххытына нус-хас утуйуоххут. Манна дьиэ, таҥас сууйуута, эт эттээһин, хаар күрдьүүтэ-таһыыта киирсиэн сөп.
- Бу кэмҥэ тугу баҕараргытын чопчу билиэххитин наада. Уонна сыал-сорук оҥостон ол баҕаҕытын олоххо киллэрэ сатаан.
- Муунтуйуу кэмигэр бэйэни кыратык атаахтата түһүөххэ сөп. Дьахталлар маҕаһыыҥҥа баран кыра ол-бу сээкэй атыылаһан. эр дьон саа, күөгү тутан тыа диэки аттанан аралдьыйыахтарын сөп. Оннук кыах суох буоллаҕына, дьиэҕитигэр баар миэбэли түҥнэри-таҥнары соскойдоон "саҥа дьиэ" оҥостуоххутун сөп. Баттаҕы кырааскалатар, кырыттарар эмиэ санааны көтөҕүөн сөп. Уларыйыы аата уларыйыы буоллаҕа
"Кыым" хаһыат. Тохсунньу 18 күнэ 2007 сыл
Суруйда Baaska. 2013-01-30 14:45:17 +10.
|
|
^ Үөһээ
|
|
|