Тымныы дьыл кэмигэр сакалаат кисиэл, эмиэ итии какао курдук, бэртээхэй утах. Хойуу, минньигэс амтана уһугуннарар, сэниэ киллэрэр.

1 киһиэхэ састааба:

• 200 г. үүт,
• 1 остолобуой ньуоска саахар,
• 1 кыра ньуоска какао,
• 1 кыра ньуоска крахмал,
• 2 кыра ньуоска уу,
• Ванилин - бэйэҥ көрөн.

Какаоны тымныы ууга булкуйаҕын, крахмал эбэҕин, үчүгэйдик булкуйаҕын.

Итии үүккүн саахардаа, ол кэннэ какаолаах, крахмаллаах састаапкын кутаҕын. Булкуйа-булкуйа кыра уокка оргутаҕын. Оргуйан күүгэнэ тахсаатын кытары, уоттан ылаҕын. Бэйэн көрөн ванилинныыгын.

"Кыым" хаһыат. ахсынньы 1 күн.. 2011 сыл.