Бравина Р.И. 

ФАРФОР
Фарфоровой иһит-хомуос түүлгэ көстөрө — инники былааннар олоххо киирэллэригэр үтүө кэм-кэрдии кэлбитин таайтарар.
Фарфоровай статуэтка — дьылҕан эн диэки мичик гыммытын туоһулуур.
Фарфоровай иһити, малы атыылаһыы/бэлэх ылыы — дьиэҕэ-уокка уйгу-быйаҥ тосхойоругар.
Ыскаапка фарфоровай иһити сааһылыыгын — дьиэн сылаас амарах тыыннаах, тотоойу минньигэс астаах, дьоллоох ыал көмүс уйата буолар аналлаах.
Фарфору үлтү түһэрии — дьолгун айгыратартан сэрэн.

ФЕН
Фенынан баттаҕы куурдуу — солуута суох быһыыланан дьон тылыгар кыбыллыахха сөп.

ФЕРМА
Түһээн фермаҕа сылдьыы — үчүгэй дьону кытта билсиһэргэ.
Фермаҕа үлэлиир — үлэҕэ ситиһиилэнэргэ.
Ферма атыылаһыы — улахан барыс киирэригэр.
Ферма умайара — дьадайарга, эстэргэ.

ФОРТЕПЬЯНО
Фортепьяноҕа ооннъуурга үөрэнии — тапталы көрсөргө.
Фортепьяноҕа оонньооһун — сотору уостар тапталы көрсөргө.
Фортепьяно атыылаһыы — таптыыр киһилиин иирсэргэ.
Фортепьяноны атыылааһын — тапталлаахтыын иллээх буоларга.

ФОТОАППАРААТ
Эйигин хаартыскаҕа түһэрэллэр — ким эрэ эйигин таптыырыгар.
Атын дъону бэйэн хаартыскаҕа түһэрэҕин — тапталын хардата суох хааларыгар.

ФРУКТА
Туох-ханнык фрукталары түһээбиккин өйдөөбөт буоллаххына — сотору эйиэхэ соччото суох этии оҥоруохтара.
Фрукта сууйаҕын — барыстаах этии киириэҕэ, ону эн наһаа уһуннук толкуйдаатаххына куоттарыаххын сөп.
Фрукта сиигин — барыстаах этии киирэригэр.
Буорту буолбут фрукта — туолбатах баҕа санаа бэлиэтэ.
Эйигин фруктанан күндүлүүллэр — чугас киһин үлэҕэр көмөлөөх буоларыгар.
Фрукта атыылаһаҕын — эрэй нөҥүө дьолгун буларгар.
Фруктаны бөххө быраҕарын — дьыалан сатамматыгар.
Фрукта хомуйаҕын — дьолун бэйэн илиигэр.