Бравина Р.И. 

РАБОЧАЙ

Түүлгэр рабочай буоларын - соччо билбэт киһигэр ыалдьыттыы тиийэргэр.

РАДИО

Радио үлэлээбэтэ - сотору кэминэн элбэх сонуну- нуобаһы истэргэ, ол эрээри онтон туһалааҕын, наадалааҕын араарар күчүмэҕэй буолуо.

Радионан соһуччу куһаҕан сонуну истии - дьиҥ олоххо туолуон сөп.

Радионан ырыаны - тойугу, музыканы истии - көогө-нарга ыҥырыы кэлэригэр.

Радио атыылаһыы - ыраах аймахтартан үтүө сонуну истэргэ.

РАК (ХАРАМАЙ)

Рак хаама сылдьара - интириэһинэй айаҥҥа.

Рагы сиир - бэһиэлэй хампаанньаҕа.

Рагы буһарыы - олоххо үтүө кэм саҕаланарыгар.

РАК (ЫАРЫЫ)

Түһээн рак ыарыытыгар ылларыы - үлэ эбии сыраны эрэйэригэр.

Билэр киһин рагынан ыалдьыбыт - киниттэн сылтаан үлэҕэ моһуогурарга.

Рагынан ыалдьыбыт киһини көрсүү - халтай түбүгүрэргэ.

РАКЕТА

Ракетанан ытыы - сэрэтэр суолталаах, соһуччу туохтан эрэ хомойорго.

Ракетанан космоска көтүү - ыарыы көбөрүгэр, дэҥ-оһол тахсарыгар.

РАКОВИНА, РАКУШКА

Муора раковината - тыл - өс, хоп-сип сүрэ.

Муораттан раковина булуу - үлэҕэ туһалаах туох эрэ информация булуу.

Раковинаны арыйыы - ким хобу - сиби тарҕатарын арыйарга.

Ракушканы алдьатыы - үтүөнү баҕарбат дьону оннуларыгар туруорарга.

РАССАДА

Рассада олордуу, көрүү-харайыы, эбэтэр атыылаһыы - дьылҕа урукку охсуулара үтүөнэн солбуллар кэмнэрэ үүнэригэр.

Ким эрэ рассада олордоро, көрөрө-харайара - чугас киһин көмөтүнэн олоҕун үтүө диэки тосту салалларыгар.

Рассада атыылыыр - үлэн түмүгүн бэйэн ыһан суох гынаргар.

РЕСТОРАН

Түһээн рестораҥҥа киирэрин - билэр дьонун туһунан хоп-сип кэпсээни истэргэр.

эйиигин рестораҥҥакиллэрбэттэрэ, эбэтэр үүрэн таһаараллара - сотору кэминэн хайа киһи эйиэхэ өстүйэ саныырын билэргэр.

Рестораҥҥа күүлэйдиирин - атааннаһар дьоҥҥун оннуларыгар туруораргар.

РЕЦЕПТ

Эйиэхэ рецепт суруйан биэрэллэр - дуона суохтан сылтаан доҕорун өһүргэнэригэр.

Аймах киһигэр рецепт суруйаллар - урууларын, аймахтарын өтөрүнэн ыалдьыбакка этэҥҥэ олороллоругар.

Рецеби сүтэрии - өр кэмнээх иирсээн эйэнэн түмүктэнэригэр.

РИС

Рис буһарыы - байарга.

Рис сиир - ситиһиигэ.

Рис атыылаһыы - сөптөөх быһаарыныы ылыннахха улахан дохуот киирэригэр.

РОБОТ

Роботы түһээн көрүү - ис эйгэн татымын көрдөрөр, олох араас өҥүнэн оонньуур, онтон тэйэ туттар табыллыбат.

РОЗА

Роза - таптал, дьоллоох дьиэ кэргэн бэлиэтэ.

Үүнэн турар розаны көрүү - дьиэ кэргэн эйэлээх, холку олоҕор.

Розаны бэлэхтээһин, бэлэх ылыы - тапталга билиниигэ, кэргэн ыларга/тахсарга.

РОМАН (айымньы)

Таптал туһунан романы ааҕыы - күүтүүлээх көрсүһүүгэ бэлэмнэнэргэ ыҥырар.

Таптал туһунан кинигэни атыылаһыы - сотору таптал уотугар умайарга.

РОМАШКА

Ромашканы түһээн көрүү - дьыала - куолу атахтанарыгар,үтүөнү көрбөккө.

Ромашкадьөрбөтүн хомуйуу - дьылҕан туох да үчүгэйи эрэннэрбэт.

Ромашканан билгэлээһин - улаханнык ыалдьарга.

Ким эрэ ромашканан билгэлиирэ - аймах киһи ыалдьарыгар.

РУБИН

Рубин - тапталга дьолу, үлэҕэ ситиһиини эрэннэрэр.

Рубин атыылаһыы, бэлэх ылыы - тапталлаахтыын биир буоларга.

Рубины сүтэрии - чугас киһилиин арахсарга.

Рубины атыылааһын - дьиэ кэргэҥҥэ тымныы сыһыан олохтоноругар.

Рубин таастаах киэргэли ыраастааһын - үчүгэй төлөбүрдээх үлэни буларга.