Бравина Р.И. кинигэтиттэн

ЛААМПА
Лаампаны уматыы, эбэтэр умайа турар лаампаны көрүү - үлэҕэ ситиһиини түстүүр.
Умайа турар лаампаны умуоруу - кими эрэ хомоторго эбэтэр туохтан эрэ санаарҕыырга.

ЛАБОРАТОРИЯ
Лабораторияҕа опыт оҥоруу - барыстаах дуогабар түһэрсэн, туруктаах дохуоттанарга.
Лабораторияҕа мээнэ хаама сылдьыы - кэргэннии дьоҥҥо тыҥааһыннаах быһыы - майгы үөскүөн сөп.

ЛАВРОВАЙ ИЛИИС
Лавровай илиис - улахан ситиһиини кынаттыыр аналлаах.

ЛИКЕР
Ликеры (минньигэс хойуу арыгыны) иһии - аҕа саастаах эбэтэр үрдүк сололоох киһиттэн сэмэлэнэргэ.
Ким эрэ ликер иһэрэ - сотору билэр киһигин мөҕөргөр.
Ликер атыылаһыы - муударай сүбэни истэргэ.

ЛИНОЛЕУМ
Линолеум муостаҕатэлгэнэ сытара - үлэҕин харгыстыыр мэһэйдэр саныырын курдук улахан буолбатахтар, онон толлума.
Линолеум бөкүнүччү эриллэн турара - сыалгын - сорукку ситиһэргэр тойон киһилиин үчүгэй сыһыан олохтуурун наада.

ЛИФТ
Лиибинэн үөһэ тахсыы - сотору кэминэн баҕа санаалар толору туолалларын билгэлиир.
Лифт көмөтүнэн аллараа түһүү - дьыала - куолу сатаныа суоҕун сэрэтэр.

ЛОСЬОН
Лосьонунан сирэйи - хараҕы ыраастаныы - сотору кэминэн тулууру, эр санааны эрэйэр быһаарыылаах кэм - кэрдии кэлэрин таайтарар.
Лосьону атыылаһыы - санаабыт санаа туолбатыгар.
Лосьону бэлэх ылыы - ким эрэ тапталга билинэригэр.
Лосьону тоҕуу - олоххо туһата суохтан босхолонон, өрө тыынарга.

ЛОТЕРЕЯ
Лотереяҕа оонньуурун - олоххо улахан уларыйыы тахсарыгар.
Аймахтарын лотереяҕа оонньууллара - кинилэрдиин этиһэргэр, иирсэргэр.
Доҕотторун эбэтэр билэр дьонун лотереяҕа оонньууллара - эн дьон ортотугар балаһыанньан биллэ уларыйарыгар.

ЛУУК
Луук сиигин - үлэҕэр тойоҥҥун кытта кыыһырсыаххын сөп, кытаатан бэйэҕин туттуна сатыыргар тиийэҕин.
Луук кырбыыгын - үүнэр күҥҥэ туох барыта санаан таһынан буоларыгар.
Луук олордоҕун, уу кутаҕын - этиһиигэ, иирсиигэ.
Луук атыылаһаҕын - начальниккын үлэтиттэн устуохтарын сөп.

ЛЮСТРА
Люстра түһээн көрдөххүнэ - сотору кэминэн ыалдьыттыы ынырыллыан.
Бэйэн люстра ыйыырын - бэйэҕэр ыалдьыттар кэлиэхтэрэ.
Люстра атыылаһарын - үчүгэйэ суох киһилиин билсэргэр.
Люстраны алдьатарын - сөпсөспөт киһигин кытта иирсэргэр.
Ким эрэ люстраны алдьатарын көрөҕүн - чугас киһин кигэн, куһаҕан киһилиин этиһэргэр, аахсаргар.