Бравина Р.И. түүлдьүтүттэн.

ГАЗ
Түүлгэр газ сытын биллэххинэ - билэр киһигэр мөкү санаанан салайтаран соччото суохтук сыһыаннаһыан, онтон кэлин кэмсинэргэр.

ГАРАЖ
Хатыылаах гаражка хаайтарыы - көлөһүнү сүүскэр сыбаан туран улахан ситиһиигэ, барыска тиксэргэ.
Гаражтан массыына таһаарыы - үөрүү-көтүү өрөгөйүн билэргэ.



ГАРДЕРОБ
Гардеробу түһээтэххинэ - рестораҥҥа эбэтэр туох эрэ сүрэхтэниитигэр (презентацияҕа) ыҥырылларгын кэтэс.



ГИМНАСТИКА
Гимнастиканан дьарыктаныы - үтүө күннэр үүнэллэригэр.
Атын дьоннор гимнастиканан дьарыктаналлара - чугас киһин үтүөнү оҥорон үөрдэригэр.



ГИПС
Гипсэлээх сылдьарын - өстөөххүн кытта көрсөргөр.
Аймах киһин гиипсэлээҕэ - ол киһини кытта сотору кыыһырсаргар.



ГИТАРА
Гитараҕа оонньуурун - үлэҕэр кимниин эрэ иирсэргэр.
Ким эрэ гитараҕа оонньуура - атын дьоннор иирсээннэригэр кыбылларгар.
Гитара атыылаһарын - сыыһа - халты туттан туох эрэ буруйга тиксэргэр.



ГОБЕЛЕН
Саҥа өрүллүбүт гобелен - дьоллоох олох кэрэһитэ.
Эргэрбит гобелен - барыта санаа иһинэн буолбатыгар.
Гобелен атыылаһыы - барыстаах кэпсэтиигэ, харчы киирэригэр.
Истиэнэҕэ гобелен ыйааһын - тугу эрэ ситиһэр инниттэн туруулаһан туран үлэлииргэ - хамныырга.



ГОНОРАР
Гонорар ылыы - үгүстүк сыралаһан ситиспит кыайыынөрөгөй үөрүүтүн тосхойоругар.



ГОРОСКОП
Гороскобу ааҕыы, чинчийии - үлэҕэ тосту уларыйыы тахсарыгар, ыраах айаҥҥа турунарга.



ГОСТИНИЦА
Түүлгэ гостиница көстөрө - олоххо быстах кэмнээх соһуччу уларыйыы тахсарын таайтарар эбэтэр уһуну - киэни толкуйдаабакка, санааҕа онооҕо ылларбакка холкутук олорор кэм кэлэн иһэрин бэлиэтэ.



ГРАДУСНИК
Градусник атыылаһыы - туһата суох түбүгүрэргэ.
Градуснигы түннүккэ ыйааһын - улаханнык сыралаһан туруоруммут соругу ситиһэргэ.
Таһырдьа турар градуснигы көрүү - баар кыһалҕалар этэҥҥэ ааһалларыгар.
Градуснигы үлтү түһэрии - эппиэтинэстээх боппуруоска сыыһа быһаарыныыны ылынар куттал баар.



ГРАНАТ (ТААС)
Гранат таас - албын - көлдьүн быһыы бэлиэтэ.



ГРАНАТ (ОТОН)
Гранат отон түүлгэ көһүннэҕинэ - ураты сэрэхтээх буолар наада: айылҕа бэлэхтээбит дьоҕурун, талаанын көргө - нарга ыытарсэттээх - сэмэлээх буолуон сөп.
Гранат атыылаһыы эбэтэр бэлэх ылыы - быстах таптал харах уутунан сууйулларыгар.
Атын киһини гранат отонунан күндүлээһин - имэҥҥэ оҕустаран таптыы көрбүтү эккирэтэргэ сыра сылба баранарыгар..
Гранат сиир - албын киһи сымыйа тапталыгар киирэн биэрэр куттала баар.



ГРАФИН
Кураанах графин - күн дьыл туһата суох көлдьүн ааһарын бэлиэтэ.
Уулаах графин - истиҥ көрсүһүүгэ.
Графины сайҕааһын, сууйуу - кыра ороскуокка киирэргэ.
Графины толоруу - улахан сүүйүүгэ эрээриол көөдьүүскэ турара саарбах.
Ким эрэ графиҥҥа уу кутара - сыаналаах эрээри туһата суох бэлэҕи ыларга.
Графины үлтү түһэрии - дьыала - куолу этэҥҥэ быһаарылларыгар.