Билигин суоппар уруулга олоруон иннинэ арыгы иһиэхтээҕэр, тугу аһыырын кытта хонтуруолланара ирдэнэр. Арыгы испэтэх да киһи хааныгар промилле баара - нуорма. Үгүс бородуукта хааҥҥа баар алкоголь таһымын үрдэтэр. Ханнык бородуукталар алкоголь таһымын үрдэтэллэрин хас биирдии суоппар билиэхтээх. ас хаатыгар кыра да "испиирдээх" диэн суруллубут буоллаҕына, аккаастанаргыт ордук.

Ол курдук маннык бородуукталар сэрэхтээхтэр:

• алкогола суох пиибэ - 0,1-0,4 промилле;
• кымыс - 0,4 промилле;
• аһыйбыт кэпиир, йогурт, суорат - 0,2 промилле;
• кыбаас. Хасда ыстакаан сөрүүн кыбаас 0,3-0,6 промиллены көрдөрүө;
• фрукта суога. Сылаас сиргэ турбут суогу айанныаххыт иннинэ иһэргит сэрэхтээх, онон испэккит ордук. Хайаан да 0,4 промиллени көрдөрүө;
• сакалаат. 10-ча устуука сакалаат 0,1 промиллени көрдөрүө, ханньаактаах буоллаҕына - 0,3-0,4;
• таас кэмпиэт. Биир устуука Halls Mentol - 0,1 промилле;
• пирожнайдар. Биир устуука "ромовая баба" - 0,3 промилле;
• апельсин кытта 0,17 промиллени көрдөрүө;
• олус сиппит банаан - 0,22 промилле;
• халбаһыылаах хара килиэп - 0,2 промилле;
• айахха ыстарар спрей этиловай испиирдээх буолар - 0,4-0,5 промилле;
• испиирдээх эмтэр (корвалол, валокордин, календула, валерьянка, валосердин, барбовал, перцовай, ментоловай настойкалар) - 0,1 промилле;
• арыгы туһунан санаа - 0,1-0,2 промилле;
• табах -0,2 промилле.

"Кыым" хаһыаттан.Балаҕан ыйын 9 күнэ, 2010 сыл. автора суруллубатах.