Дьиэ анныгар тоҥ ирбэт гына ньымалаан тутуу ыытыллыахтах.
Биир ньыманан дьиэни атахха туруоран эбэтэр атаҕа суох акылаат түһэрэн, кунустаабакка, аһаҕас гынан баран хара муосталаан тутуу буолуон сөп. Дьиэ атаҕын туруорарга сири дьөлбүппүт сир сардаҥатын хойуннарар, ол эрээри дьиэ анныгар тоҥ ирэн, оһох түһэринээҕэр, дьайыыта быдан кыра.
Иккис ньыманан 15-20 см уһун тимир турбалары дьиэ олоҕун аннынан 3-4 м арыттаан сиргэ тэлгэтэлээн уонна турба биир төбөтө таһырдьа быган турар гынабуор кутан дьиэ олоҕун үрдэтэн тутуу буолуон сөп. Дьиэ акылаатын кутуу буор үрдүгэр түһэриллэр уонна кунустаныллар. Оччоҕо дьиэ түспэт уонна сылааһа сир тоҥор тиийбэт, турба иһинэн кыһын тымныы салгын оонньоон, сир тоҥ сытар. Саас халлаан сылыйыытыгар турбалары уу киирбэт гына бүөлээн кэбиһиэххэ сөп. Онон дьиэ анна сайын да ирбэт.
Саха ыалын халандаара - 2012