Кымыстыыр бириэмэҕэ сүрүн соругунан кулуну улаатыннарыы буолар. Ол наадатыгар күнүһүн биэ 3-4 төгүл ыанарыгаркулунунан этэттэрэллэр, онтон атын бириэмэҕэ кулуну ийэтин кытта бииргэ мэччитэллэр. Кымыстыыр кэм бүттэҕинэ, кулуну ийэтин кытта босхо ыыталлар.
Биэлэри ыаһын кэмигэр күнүс кулуннары аналлаах хаарчахха туталлар, саҥа охсуллубут күөх отунан эби аһаталлар.
Биэлэри ыаһын кэмигэр кулуну сөптөөхтүк аһаттахха, кини улаатара тохтообот. Ол курдук ыанар биэлэр кулуннара 6-6,5 ыйдрыгар 200-209 кг тыыннаах ыйааһыннаах буолаллар.
Кымыстыыр кэм устатыгар биэлэри күн аайы 2-лии киилэ эбиэһинэн эбэтэр комбикорманан эбии аһатар наада.
Биир кымыстыыр фермаҕа 30-ча ыанар биэни тутар ордук, онтон ордук биэ тутуллар буоллаҕына, элбэх тутуу наада буолар.
Саха ыалын халандаара - 2012 сыл