Сорох дьиэ үрдэ уонна эркинэ кырааскаланар. Онуоха кырааска өҥүгэр болҕомто ууруллар. Дьиэ сырдыгар үрүт уонна эркин улахан оруоллаах. Маҥан кырааска сырдык сардаҥатын 80%, сырдык саһархай 40 % тиийэ тыктаран көрдөрөр, ол иһин дьиэ үрдүн маҥан, эркинин сырдык кырааскаларынан сотор ордук.

Кырааскалыах иннинэ люстралары, бралары устуллар. Ол кыаллыбат түгэнигэр, кырааска биһиллибэтин диэн, хаһыатынан сууланар. Дьиэ үрдэ, эркинэ штукатуркаламмыт буоллаҕына, хайа барыылары эрдэ шпаклевкалаан куурдуллар. Эркиҥҥэ кырааска ыһыллыбатын диэн, эркин дьиэ үрдүн кытары ыпсыһар сиригэр кэтит пленканы эбэтэр кумааҕыны сыһыарыллар.

Бастаан үрүт кырааскаланар. Кырааскалааһын тиһэх араҥатын сырдык (түннүк) диэки туһаайан чараастык сотуллар. Бастакы араҥа куурбутун кэннэ хатыланар.

Эркини үгүстэр икки өҥүнэн - үөһээ өттүн сырдыгынан, алын өттүн хараҥа кыраасканан соппут буолааччылар. Аллараа панель кытыыта тэҥ буоларын наадатыгар кырааска иккиардынааҕы быыһыгар кумааҕынан лиэнтэ оҥорон сыһыарар ордук. Кырааска кууруон иннинэ лиэнтэни ылыллар.

Саха ыалын халандаара - 2012