Резюме - үлэҕэ киирэргэ олус суолталаах буолан турар. Резюмены хайдах оҥоруохха?

Бастатан туран, А4 кумааҕыга хайаан да көмпүүтэргэ бэчээттэммит буолуохтаах, биир сирэйгэ батыахтаах.

Резюме истиилэ: кылгас, чопчу, талыллыбыт, чиэһинэй.

Резюмеҕа тугу ыйыахтааххыный:

1. Бэйэн тускунан: А.А.А., төрөөбүт күнүн, сылын, дьиэ кэргэнин, аадырыһын, төлөпүөнүн, факсын, e-mail.
2. Сыала: ханнык миэстэҕэ. вакансияҕа баҕарарын.
3. Сүрүн үөрэх. Үөрэммит тэрилтэлэргин ыйаҕые. Орто оскуоланы бүтэрбиккин суруйумуоххун да сөп. Ханнык үөрэҕи, факультеты бүтэрбиккин суруйаҕын, дипломҥунан идэҕин ыйаҕын. Өскөтүн кыһыл дипломнаах буоллаххына, хайаан да ону суруй.
4. Эбии үөрэх. Манна ханнык куурустарга, трениннэргэ, сэминээрдэргэ үөрэммиккин уо.д.а. суруйаҕын.
5. Үлэ уопута. Манна урут үлэлээбит миэстэлэргин суруйаҕын. Бастаан бүтэһик үлэлээбит, ол иннинээҕи, салгыы ол курдук төттөрү суруйан иһэҕин. Ханнык ыйна, сылга киирбиккин, ханнык ыйга, сылга уурайбыккын, тэрилтэҥ аатын, тугу үлэлээбиккин, ханнык дуоһунаска олорбуккун ый.
6. Эбии иһитиннэрии. Манна үлэҕэ ылааччы киһитугу сыаналыан сөбүнг барытын суруй. Омук тылын билэргин (барытын ыйан туран), көмпүүтэргэ ханнык бырагыраамманы сатыыргын, төһө баһылыыргын, массыына ыытар быраабын, тус массыыналааҕын, кыраныысса таһынааҕы пааспардааҕын туһунан. Ханнык баҕарар командировкаҕа барыаххын, үлэ бириэмэтин таһынан үлэлиэххин сөбүн ый. Маны таһынавн бэйэҥ тус хаачыстыбаларын, холобур: бэйэбэр, атын дьоҥҥо ирдэбиллээхпин. сытыыбын-хотуубун. иҥнэн-толлон турбаппын, үчүгэй салайааччыбын уо.д.а. Ол эрээри бу  суруйбутун барыта үлэлээтэххинэ ирдэнэрин умнума.
7. Резюме толорбут күнүн.

Саха ыалын халандаара - 2012