Улахан фейерверк, салют ытыллар миэстэтигэр 300-400 м ордук чугаһааман.

Сиргэ түспүт ракета тобоҕун хомуйуман - тута илиигитигэр да эстиэн сөп. Оттон сиэпкитигэр угуннаххытына олоххутуттан да матыаххытын сөп.

Хас биирдии дьиҥнээх пиротехническэй оҥоһук нууччалыы сиһилии суруллубут инструкциялаах, туттуллар болдьоҕун ааспатах буолуохтаах.

Пиротехниканы атыылаһан баран иһигэр туохтааҕын билэ сатаан хасыһыман.

Атыылаһаргытыгар хайдыбыт, үллүбүт эбэтэр илийбитэ биллэ сылдьар корпустаах пиротехникаҕа чугаһааман даҕаны. Ракета сиэрэй эбэтэр хара быылынан бүрүллүбүт буоллаҕына, сибилигин да эстиэн сөп.

Ханнык баҕарар пиротехническэй оҥоһукка эстэн бүппүтэ 2 мүн. итэҕэһэ суох бириэмэ ааспытын кэннэ биирдэ чугаһатыахха сөп. Элбэх зарядтаахтарга итинтэн өссө өр бириэмэ ааспытын кэннэ чугаһыахха сөп. Пиротехническэй оҥоһук ;:-тан элбэх зарядтаах буоллаҕына, атыылаһа сатаамаҥ. Ол идэтийбит дьон туттар маллара.

Саха ыалын халандаара - 2012