Бэргэһэлэр, саҕалар киртийэн, сыанан сыбаммыт, лаҕыыркурдук буолбут миэстэлэригэр тальк бороһуогун таммалатабыт. Аргыый аалан түүтүн тириитигэр диэри ыраастыыбыт. Онтон тириитин илиппэккэ эрэ уунан сууйан ылабыт, уутун түү сытар өттүгэр ыытабыт. Түүтүнутары сууйар сыыһа. Онтон сахсыйан уутун тэбиибит уонна хатарабыт.

Улаханнык киртийбит түүлээҕи сииктээх эппиилкэнэн аалан ыраастыыллар. Манна эппиилкэни бензининэн илитэр ордук. Маннык гынан баран тириитин уонна кытаанах түүлээҕи ыраастыыллар.

Сырдык эбэтэр маҥан өҥнөөх түүлээҕи мааннай куруппанан ыраастыыллар. Куруппаны кута-кута илиигитинэн төттөрү-таары аалан биэрэ-биэрэ тэбээн иһэҕит. улахан кирдээх буоллаҕына, хас да төгүл ыраастыыгыт. Барбатах бээтинэлэри бензиннээх тирээпкэнэн аалан биэрэҕин. Маннык ыраастаан баран, хайаан да хортуоппуй крахмалынан аалын. Кыратык сытыара түһэн баран тэбээн кэбиһэҕит.

Түүлээх ыраастанна. Аны билигин саҥатыгар түһэн кырымаҕа кылбаччыйыан наада. Онуоха түүлээҕи глицерининэн эбэтэр уксууһунан илитэбит уонна хатарбакка испиирдээх тирээпкэнэн сотобут. Ол кэннэ тарыыбыт (каракуль уонна кылгас цигейка таҥастары инчэҕэйигэр тарыыр сатаммат).

Саха ыалын халандаара - 2008