|
.
|
|
Билигин
сайтка 6 киһи
баар
|
БYГYН: Мүөттээх сиик түһэр. Сүмэһин таһаарар үүнээйи аһылыктаах үөн - көйүүр тиллэр, ыам кумаара түһэр.
Сотору:
2 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
4 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
6 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
8 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
13 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
|
|
Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Тэттик сүбэлэр
- Таҥас ыйыыр быаны илитэн баран тиирдэххинэ, аһара уунуо суоҕа. Куурдаҕына өссө чиккэйиэ.
- Уһуннук сытан сымнаабыт хортуоппуй оргуйа турар уутугарбиир кыра ньуоска саахары куттахха, сибиэһэй амтаннаныа, көрүҥэ кытта тупсуо.
- Луугу ыраастыыргар кондиционер аттыгар турдаххына хараххыттан уу тахсыа суоҕа.
- Тиэрмэс иһэ сыттаннаҕына , биир ыстакаан ууга биир кыра ньуоска 3 быраһыаннаах уксууһу кутан сууй, сыта сонно барыа. Халадьыынньык сыта маннык сууйдахха эмиэ суох буолуоҕа.
- Дьиэ иһигэр табах сыта олорон хааллаҕына, таҥаска сапка, баттахха иҥэр.Түннүккүн арыйан дьиэ иһин салгылат уонна хас да стиргэ сиигирбит икки - үс соттордо ыйаа.
- Итиигэ сиэппит буоллаххына, түргэнник тымныы уунан суун уонна ас суодатын таммалат. Глицерининэн, суоратынан уонна уксуустаах томпуонунан тутуннахха, ыарыыта мүлүрүйэр. Бааскар хаһаайыстыбыннай мыыла чараас тоорохойун саба баан - түргэнник оһуо. Кыра эмсэҕэлээһиҥҥэ хаппыыста ороһуолунан угуттуургун умнум.
Екатерина Афанасьева суруйуута. Кыым хаһыат 2016 с олунньу 18 күнэ.
Суруйда Baaska. 2016-03-19 14:26:23 +09.
|
|
^ Үөһээ
|
|
|