Курустаал иһити уксуустаах тымныы ууга сайҕаатахха, олус кылабачыгас буолар.

Үүт кутулла  сылдьыбыт бытыылкатын сууйарга маҥнай тымныы уунан сайҕаа, онтон итии уунан сууй. Итии уунан тута сууйдахха, үүт белога буһан, бытыылкаҕа сыстар, оччоҕо кыайан сууйуллубат.

Тимир хобордооҕу кылбаччы сууйарга тууһунан аалыҥ.

Сыыҥка иһиккэ хахтамматах хортуоппуйу буһарымаҥ. Иһиккит хараарыа. 

Сыыҥка миискэ хоруорбутун  сууйарга ол иһиккэ эриэппэ луугу оргутун.

Туой иһити илии суунар  мыыланан сууйун. Хаппаҕын аһаҕас туруорун. Оннук гымматахха, иһигэр ыарахан сыт үөскүүр.

Фарфор иһит саһаран хаалбытын суодалаах ууга сууйаллар.

Кыһыл көмүс хаймыылаах иһити суодалаах ууга сууйуман.

Саха ыалын халандаара - 2013