Табах сыта ордук таҥаспыт сиэҕэр иҥэн хаалар. Ону суох оҥорорго таҥаспытын уксуустаах ууга сытыара түһэн баран сууйуохха сөп.
Ол эрэн ордук халыҥ таҥаһы сотору-сотору сууйар табыллыбат, бириэмэ да кэмчи буолар. Таҥаһы сууйбакка эрэ табах сытын хайдах суох оҥоруохха сөбүй? Таҥаспытын ыйыыбыт уонна аттыгар 4 луоска уксуустаах сылаас ууну ууран кэбиһэбит. Салгын киирбэтин диэн, хоспут аанын сабабыт. Бэрт кылгас кэминэн таҥаспыт сыта тупсуо.
Диана Клепандина суруйуута. "Кыым" хаһыаттан. Олунньу 28 күнэ, 2013 сыл