Сааны ыйга саатар биирдэ көрүү-истии уонна ыраастааһын булгуччулаах. ыппыт кэннэ уос эркинигэр олорон хаалар буораах, сибиньиэс кэһиэҕэ уонна саа атын чаастарыгар киирбит - сыстыбыт кир төрүт суох буолуоҕар дылы сууйуллар-сотуллар. Кэмигэр ыраастааһын хайаан да наадалаах.

Күһүҥҥү тыаҕа хаама сылдьар булчут тоҥмот, онон тас таҥаһын чэпчэки буолуохтаах. Ол эрэн күһүҥҥү халлаан уларыйара түргэн, хаар да, ардах да түһүөн сөп, онон ардахха кэтэр соҥҥун рюкзакка уктаргын умнума.

Куобах сааланарга күүппэт буоллаҕына, хаһанэмэ өлөрөн баран, оҕо этэрбэһин быатыгар баайаллар уонна состороллор, ону кэнниттэн талах кымньыынан таһыйаллар.

Тайах булдугар ыттан төһө кыалларынан кыылы уһуннук тохтотон турара ирдэниллэр.

Быһаччы бултуу сылдьан таарыйа үөрэтиллэр. Бу үөрэх ньымата олус судургу итиэннэ ыт сыты ылар дьоҕуруттан тутулуктаах.