Тас көрүҥэ.

Улахан кус, миэтирэ аҥарыгар тиийэ үрдүктээх буолуон сөп. Атыыра иирсэр кэмнэригэр олус кэрэ дьүһүннээх: от күөх төбөлөөх, моойдоох, күрэҥ түөстээх, саһархай тумустаах, кытарымтыйар саһархай атахтаах. Маннык киэркэйэн кини тыһы болҕомтотун тардар... 

Тыһыта күкээркэй, быдан сырдык түөстээх. Маннык бүрэ дьүһүн өстөөхтөрүн харахтарыгар быраҕыллыбакка сымыыт баттыырыгар үчүгэй. Лэбээр, элбэх уонна улахан баҕайы саҥалаах кус. Иирсэр кэмнэригэр “пииб” диэн иһиирэллэр.
Атыырдаах тыһы көҕөттөр (Атыыра күөх төбөлөөх).

Олорор сирдэрэ:
Хойуу оттоох, хомустаах чуумпу, бадарааннаах ууларга, күөллэргэ олохсуйаллар.

Көҕөн уйата:

Көҕөн 5-10 сымыыттах буолар, сымыытын ый курдук, 25-30 күн баттыыр. Оҕолоро тахсан баран икки ыйынан көтөр буолаллар, балаҕан ыйыгар хайа сахха сүүһүнэн километры уҥуордаан соҕуруу көтөргө бэлэм буолаллар.

Көҕөн оҕолорунаан:


Көҕөн тарҕаммыт сирэ:
Европаҕа, хоту Африкаҕа уонна Азияҕа, Монголияҕа, Японияҕа, Хоту Америкаҕа. Биһиэхэ кэлэр кустар Монголияҕа уонна Японияҕа кыстыыллар. Дьиктитэ диэн бу кус Саха сирин хоту улуустарыгар тиийбэт, эбэтэр тиийдэҕинэ да адьас дэҥҥэ, аҕыйах буолан тиийэр. Оннооҕор былыр хоту олохтоохтор: "Күөх баттах буулаатын" - диэн кыраһар сурахтара баар (Куһаҕаҥҥа киһини буулуур диэн өйдөбүлтэн).

Көтөн иһэр көҕөн:

Көҕөттөр: