Атырдьах ыйын бүтэһигин диэки от беҕөтүн кэбиһэн хабыс хараҥаҕа дьиэлээн испиппит. Мин эдьийбин кытта матасыкыл кэлээскитигэр олорсон истибит.

Суолбут быраҕыллыбыт ферма кытыытынан ааһара. 3-4 ыал, ким тыраахтар, массыына, матасыкыл буолан, бары ол таһынан бирилэтэн аастыбыт. Биһиги матасыкылбыт бүтэһик баран испитэ. Арай, көрдөхпүтүнэ били быраҕыллыбыт хотон түннүгэ уоттаах эбит. биһиги эдьийбинээн тоҕо уоттааҕын быһаарса олордубут. Онтон эмискэ уот барбытын курдук умуллан хаалла. Ону таайтан ыйытабын, тоҕо иннэ уот тыгарын: "Вроде бы быраҕыллыбыта ыраатта бытта" - диэн. Ону: "Туох уотун, туох да суох" - диэн мөхпүтэ. Кырдьык, лаампа умайар кыаҕа суоҕа, провода да лампата да суоҕа, уонна түннүктэрэ эмиэ суоҕа. Ону биһиги эдьийбинээн көрөрбүтүгэр өстүөкүлэ нөҥүө тыгар курдуга. Уонна иккиэн көрбүппүт. Онно мэлдьи эмээхсин сылдьарын көрөллөр диэччилэр, сэрии саҕана аччыктаан өлбүт үһү, сураҕа. Баҕар, былыргы түгэни "мираж" курдук көрбүппүт эбитэ ду?

Ykt.ru Автора: Губка