Бииргэ үөрэммит уолаттарым кэпсээбиттэрэ. Оскуолаҕа үөрэнэ сылдьан икки уолбут улахан дьону кытары мех. звено тэринэн өрүс уҥуор оттуу тахсыбыттар.
Былыргыттан отчуттар биир дьиэлээхтэр үһү, онно олорон эрэ оттууллар. Дьэ биир киэһэ оттоон кэлэн суунан-тараанан, аһаан-сиэн баран, хойукка диэри хаарталаабыттар, бэйэ бэйэлэрин балыйса балыйса, күлүү-хаһыы бөҕөтө буолбуттар, онуоха биир кырдьаҕас отчут этэ сатаабыт: "Чуумпурун, дьиэҕитигэр олорор буолбатаххыт, манна атын хаһаайыттар бааллар" - диэн. Ону биһиги дьоммут тохтоон биэрбэтэхтэр, күлсүбүттэрин-хаһыытаспыттарын курдук олорбуттар. Дьэ ол олордохторуна аан аһыллар тыаһа иһиллибит, хайыһан көрбүттэрэ кыра уол оҕо өҥөйөн турар эбит, ону бастаан аахайбатахтар, онтон дьэ өйдөөбүттэрэ, тыаҕа ыраах ким да суох сиригэр олороллорун. Дьэ ол эрэ кэннэ чуумпуран утуйбуттар.
Ykt.ru Автор: Сара