Нюя өрүс устун өксөйөн истэххэ Эмээхсин Хайата диэн сир баар. Онно былыр олус күүстээх удаҕан олорбут үhү. 50-с сыллар бүтүүлэригэр, саас кустуу сылдьан, биир киhи саанан ол хайаҕа турар тааhы ытыалаабыт.
Ону бииргэ сылдьар дьоно буойа сатаабыттар да киhилэрэ истибэтэх. Сарсыныгар туран ол киhи уолун өрүскэ уу бастара ыыппыт. Оҕо аартыгынан киирэн иhэн самыыта хайа тардыллыбыт сылгы тахсан иhэрин көрбүт. Ол эрээри кыhаллыбакка кытылга киирэн уутун икки ыаҕаска баhан, дьиэтигэр тахсаары эргиллибитэ аартыгар сүүнэ улахан торҕон эhэ олорор эбит. Ол эhэ баhыгырыы түhээт оҕо диэки ыстаммыт... Ону барытын балыктыы сылдьар биир оҕонньор көрбүт. Оҕо эрэйдээх кытылга сытар оҥочолор тула куота сатаахтаабыт да кыыл баҕайы ханна гыныай... Били оҕонньор атын сиринэн бөhүөлэккэ тахсан дьоҥҥо тыллаабыт. Саа-саадах ылан кутуллан киирбиттэрэ, эhэ: "Бу баарбын"- диэбит курдук кытыл ортотугар олорор эбит. Дьон диэки оргууй төбөтүн өндөтөн көрбүт эрэ... Сонно тута ытыалаан түhэрбиттэр. Ол түбэлтэни удаҕан эhэ буолан кэлэн иэстэспит диэн кэпсииллэр. Эhэ зомби оруолун толорбут? Ким эмэ, тугу эмэ оннук курдугу истибиттээх?
Ykt.ru Автора: Вояджер