Мин кыра сырыттахпына, оттуур сирбитигэр эргэ сууллубут өтөхтөр бааллара, онно хаптаҕас наһаа хойуутук үүнэр. Ол онно сөбүлээн сылдьарым.
Ону биирдэ убайым эппитэ: "Онно кыра киһи уйата баар ону адьас тыытыма" - диирэ, дьэ мин ол уйаны көрдөөн сор бөҕө көрбүтүм, онтон кэлин улаатан баран биирдэ булбутум, бултуу тиийэ сылдьан. Тураах эрэ уйатыттан арый улахан. Эҥин араас бөх сыыс бөҕөтө мунньубут этэ, таҥас энин лоскуттарын киһи баттаҕынан эриллэн оҥоһуллубут этэ, уһулуччу быһыылаах, баҕар сылгы сиэлэ эмиэ баара буолуо. Ыттарым олох чугаһаабатахтара, куттаналлар быһыылаах. Мин тоҕо куттамматахпын наһаа дьиктиргиибин билигин кэлэн, олох тугу эрэ улаханы ситиспит курдук санаммытым. Билигин да олороро буолуо, ыраас эҥин этэ, буора сыыһа суоҕа. Туох кыыла эбитэ буолла? Эрдэ инник уйалар элбэх этилэр диэбитэ ааспыкка эдьиийим. Дьэ дьикти, үөрэтэр эҥин киһи туох кыыллара дуу, иччилэрэ эбитэ дуу?..
Ykt.ru Автор: Gio