Урут 2-с куурсу бүтэрэн баран доҕотторбутун кытары пиибэлээри маҕаһыынтан иһэбит, ааһар суолбут оруобуна ШКМ диэн эргэ баҕайы оскуола таһынан ааһар, бу Чурапчыга баар.

Ол кэлэн иһэн арай оскуола иһигэр ким эрэ олоҥхолуур саҥата иһилиннэ, күһүн буолан хараҥа баҕайы. Оскуола иһигэр уот эҥин уматыллыбыта көстүбэт, ону дьиктиргээн чугаһаабыппыт таһыттан хатааһыннаах эбит, мин этим "дьик" гына түстэ, олоҥхолуур саҥа олох субу баар курдук, онтон уолаттар эргийэн көрүөххэ диэннэр эргийэ бардылар, мин син тэйиччи пааматынньык таһыгар турбутум. Онтон дьэ дьонум сүүрэн кэллилэр, куттаммыттар аҕай, тугу көрдүгүт диэбиппэр "былыргы дьону көрдүбүт" эрэ диэбиттэрэ. Онно уруккуттан баар дииллэр этэ да бэйэм түбэһиэм дии санаабатаҕым.

Ykt.ru Автор: Gio