Биир сайын күтүөтүм эдьиийбин уонна балтыбын илдьэ матасыкылынан тэллэйдии диэн тыаҕа тахсыбыттар. Улаханнык дэриэбинэттэн ыраапакка, тэллэйдээн барбыттар, син бултуйан күтүөтүм сүрэҕэлдьээн барыларыттан тэллэйдэрин хомуйан бэйэтин иһитин толотторон баран матасыкылыгар баран кэтэһэр киһи буолбут.

Тахсан тыа саҕатыгар, алаас үрдүгэр табахтыы олорбут. Ол алаас күөллээх, утары сыырын үрдүгэр улахан соҕус киһи уҥуохтаах үһү. Ол олорон көрдөҕүнэ ол сыыр үрдүттэн 3 киһи түспүттэр, уонна күөл кытыытыгар олорон таҥас сууйан барбыттар, уһун туох эрэ таҥаһы сууйаллар үһү. Бу туох акаарылар манна кэлэн таҥастарын сайҕаан эрэллэр дии санаабыт, син олорбутун кэннэ көрөн турдаҕына ол дьоно салгыҥҥа симэлийэн сүтэн хаалбыттар. Онтон дэлби саллан, куттанан дьонун ыҥыран ылан дьиэлэригэр төннүбүттэр. Кэнники дьонтон ыйыталаспыта, ол "аннараа" дьон кэмиттэн кэмҥэ таҥастарын сууналлар үһү, ол сытар сирдэриттэн ыраапакка ол күөлгэ киирэн сууммуттар диэн быһаарбыттар.

Ykt.ru Автор: апрол