Икки ини биилэр кыһын бултуу ыраах тайҕаҕа тахсыбыттар, сирдэригэр тиийбиттэрэ үүтээннэрэ умайан хаалбыт эбит, убай киһи эппит: "Били самнан турар балаҕаны сөргүтэн оҥостуохха, кыс ортото ханна саҥа үүтээн туттуохпутуй" - диэн.
Син тэйиччи соҕус, былыргы балаҕан баар үһү. Балаҕаны оҥостон бултуу сылдьыбыттар. Арай сааһыары биир киэһэ ааннарын аһан эдэр дьахтар киирэн кэлбит, уонна: "Мунан хааллым, хоннорун эрэ" - диэбит, көрүҥүнэн олох кыраһыабай баҕайы эбит, дьиэлэриттэн тэйбиттэрэ ыраапыт дьон өрө көтө түспүттэр. Убай киһи бас-көс туттубут, быраатын дьаьайбыт, улаҕаа, оһох кэннигэр ороҥҥо оҥоһун диэбит, уонна дьахтары саататар, аһатар түбүгэр түспүт, аһаан-сиэн баран утуйаары гыммыттар, быраата ииктии тахсан баран өйдөөн көрбүтэ - атах суола олох суох эбит, уонна кыс ортото диэтэххэ дъахтар танаһа олох сайыҥҥы эбит. Убайыгар киирэн кистээн эппитин: "Хараҥаҕа кыайан көрбөтөҕүн буолуо" - диэн баргыатаан кэбиспит. Быраата саатын ииттэн утуйбакка сыппыт, түүн үөэһэ иһиттэҕинэ убайа ыарахан баҕайытык ынчыктыыр үһү, онтон уҥуох кириллэрин курдук тыас иһиллибит, ойон туран испиискэ умаппыта били баҕайы убайын үрдүгэр олорон моонньун кэбийэ олорор үһү, ону ылбыт да саатын туһаайаат тардан кэбиспит, онтон туох буолбутун өйдөөбөт. Мунан, тоҥон, аччыктаан ойуурга сылдьар киһини атын булчуттар булан дэриэбинэҕэ киллэрбиттэр.
Ykt.ru Автор: Баһылай