Кырдьаҕас булчут өлөрдүү ыалдьыбыт. Бүтэһигин бултуом этэ диэн тыатыгар таххыбыт, 10-ча хонугунан эргиллибэтэхпинэ, тахсаҥҥыт харайаарын диэбит, уонна барбыт. Тиийэн хас да күнү быһа сэниэтэ тиийэринэн син бултуу сатаабыт. Бүтэһик күннэригэр байанайа улахан бэйэлээх тайах тоһуйан биэрбит. 

Онтукатын сатаан астаабатах, уонна онно охтон хаалбыт. "Дьэ, бүттэҕим" - дии санаан олоҕун барытын санаабыт. Арай ол сытан иһиттэҕинэ, от-мас тыаһаабыт, өйдөммөт саҥа-иҥэ иһиллибит. Оҕонньор "от-мас иччилэрэ Эрэкэ-Дьэрэкэ оҕолор өлөрбүн билэн атаара кэллэхтэрэ" - дии санаабыт. Оннук сытан көрдөҕүнэ кып-кырачаан дьоннор үрдүнэн-аннынан хаамыталаспыттар, оҕонньору көрбүттэр-истибиттэр. Онтон сыгынньахтаан баран туох эрэ сыстаҥныы сылдьарынан биспиттэр, тайаҕын эмиэ тугу эрэ биһэн харайбыттар. Биир кыралар тойонноро быһыылаах, клэн эппит: "Бу сир анныттан таһаарбыт сымалабыт 3 хонон баран харааран хаалыаҕа. Ол аата ыарыыгын барытын оборон таһаарыаҕа, ону ыбылы суунан кэбиһээр, уонна бу сыттык биэрэбин, маны үйэн тухары сыттанан сытаар, кэлин оҕоҕор хааллараар, биһиги Элбээннэр диэн сир тымырынан олоро дьоммут, манна сир-дойду айылҕата буортуйан эрэр, онон биһиги атын сиргэ көһөн айаннаан эрэбит. Биһиги туспутунан кимиэхэ да кэпсээйэҕин. бүтэр уһуккар тиийдэххинэ биирдэ кэпсээр" - диэн саҥалаах буолбут. Били сыстаҥнас сымалалара сылаас баҕайы эбит. Онно угуттанан оҕонньор утуйан хаалбыт. Уһукта-уһукта өйдөннөҕүнэ сэниэтэ киирэргэ дылы гыммыт. Арай, биир үтүө сарсыарда саҥаттан төрөөбүттүү сэниэлэнэн-эрчимирэн бэйэтин отуутугар уһуктан кэлбит. "Түһээтим дуу" - дии санаан бэйэтин көрүммүтэ, этигэр туох эрэ харааран сыстыбыт, ону күөлгэ киирэн суунан-тараанан кэбиспит. Тайаҕа туох да буолбакка сытарыттан өссө үөрэн астаабытынан барбыт. Арай, били аймахтара киһилэрин сүтүктээн "харайа" кэлбиттэрэ, оҕонньордоро уруккутунааҕар ордук эрчимирэн тайах астыы олорорун көрөн дьолломмуттар аҕай.

Ykt.ru Автор: Губка