Туох ирдэнэрэ:

• Ынах этэ - 400-500 гр.
• Тэллэй - 300-400 гр.
• Сымыыт - 4 устуука.
• Оҕурсу - 1 устуука.
• Хортуоппуй -2-3 устуука.
• Мас арыыта - 1 ост. ньуоска.
• Майонез.

Хайдах оҥоробут?

Ынах этин буһарабыт. Хортуоппуйу, сымыыты эмиэ буһарабыт. Тэллэйи кыра соҕус гына кырбаан баран, мас арыытыгар ыһаарылыыбыт. Эти уһун синньигэс гына, атыттарын кубиктыы быһабыт. Барытын холбуубут, булкуйабыт, майонезтыыбыт. Салаат бэлэм. Бырааһынньык остуолугар оҕурсуну синньигэс гына быһан, укуруоптаан киэргэтэн биэриэххэ сөп.

МИННЬИГЭСТИК АҺААН!