Мин эмиэ көрөрүм, көрөбүн уонна өссө да көрө турарым буолуо. Аан бастаан олох кыра сылдьан көрбүтүм уонна сразу төрөппүттэрбэр кэпсээбитим даҕаны ким да итэҕэйбэтэҕэ, өссө ону-маны айа сылдьыма диэн мөҕөн биэрбиттэрэ уонна аныгыскыга итинник кэпсээтэххинэ псих балыыһаҕа илдьиэхпит диэбиттэрэ. Онтон ыла көрөн баран төhө да куттаммытым иhин кимиэхэ да кэпсээбэт буолбутум.

Санаатахха, кыра сылдьан наар көрөрүм, куттанарым эрээри да тулуйарым. Арай биирдэ кырдьаҕас эдьийбэр чэй иһэ олордохпутуна түннүк аттынааҕы штакетник үрдүнэн кып-кыра киһи (хайдах эрэ наһаа элбэх атахтаах, илиилээх курдуга) сүүрэн ааспыта. Ону соһуйаммын ойон ылбытым. Ону эдьийим тоҕо эрэ түргэн баҕайытык: "Хайа, тугу көрдүн!?"-диэн ыйыта охсубута. Эппэт буола сатаабытым даҕаны син биир эттэрбитэ. Кини эмиэ наар көрөр эбит. "Куттаныма, иччилэри убаастаа, кинилэр тустарынан куһаҕаннык саҥарыма уонна киэһэ улаханнык мэнээх айдаарыма" диэн сүбэлээбитэ. Кэлин син улаатан баран, көрөн да баран соччо куттаммат буолбутум, арай этим сааһа аһыллан хаалар уонна дэлби салыбыраан барабын. Ардыгар просто воображением диэн бэйэбин уоскутабын. То5о "кинилэр" биһиэхэ көстөллөрүй онтон сорохторго тоҕо эрэ көстүбэттэр ди?

Ykt.ru Автор: "К8Р8Р"КЫЫС