Үксүгэр тыа саҕатыгар, толооҥҥо кыра томтордору батыһа үүнэр. 30-60 см үрдүктээх, элбэх бытархай араҕас сибэккилэрэ үөһэттэн саһарбыт хатыҥы санаталлар.

Умнаһын тула хас да сиринэн биир үрдүккэ үүммүт синньигэс 8-12 сэбирдэхтээх. Бэс ыйын бүтэһигиттэн атырдьах ыйыгар диэри сибэккилэнэр. Бу кэмҥэ отун хомуйан ылан күлүк сиргэ хатарыллар. Мастыйбыт умнаһын аллараа өттө хаалар. Бу оту көөнньөрөн куртах ыарыытыгар, оҕо үөһэ туоллаҕына, хаан барарын тохтоторго иһиллэр. Маныаха биир улахан ньуоска үлтүрүтүллүбүт оту 200 мл оргуйбут ууга көөнньөрөн, ыстакаан чиэппэринэн күҥҥэ 3-4 иһиллэр. Отун оргутан, сойутан, сиидэлээн баран уһуннук оспот бааһы сайҕаан үтүөрдэллэр.

Эмтэниэх иннинэ бырааһы кытары сүбэлэһин!

Халандаар - 2006