Уу иччитэ
Уокаа Дьаралык!
Таппа дүҥүүрдээх,
Кус тыла былаайахтаах,
Кута балаҕаннаах,
Чуолҕан түннүктээх
Бырыы тэллэхтээх
Көппөх суорҕаннаах
Уу иччитэ Уокаа Дьаралык!
Күөх истээх
Күөндэ күөнэххиттэн күөрэт!
Салыҥнаах майдааҥҥыттан тат!
Мөҥүрүөн систээххиттэн бөлүөҕүннэр,
Кэтит сэлигиэхтээххиттэн бэрис!
Суон чаапчаллааххыттан уун!
Аал уотунан
Аччылаан тураммын
Айахтаатыбыт,
Араҕас арыынан
Аһатан тураммыт
Айахтаатыбат!
Аҕаммыт эбэтэ,
Тунуйбут үрдэ
Уу иччитэ
Уокаа Дьаралык
Аһаа-сиэ!
Кыраһа #5 1995