Өлбүт киһи сытар сирэ "табыллыбатаҕына", туох эмэ хом санаалаах бардаҕына эбэтэр тугу эмэ астымматаҕына, "кэлэн барар" диэн, бука, элбэхтик истибиккит буолуо.

Чугас ыалбыт аах хас да сыллааҕыта аҕалара "бараахтаабыта". Кыһын буолан, дьоно буорун хаһыытыгар олус эрэйдэммиттэрэ. Буолумна, кыһын буор үлэтэ ыарахан.

Кыһын ааһан саас кэлбитэ. Хаар-муус баран, от-мас үүммүтэ. Аҕаларын аһыыта умнуллан барбыта. Арай биир түүн аҕалара кыра кыыстарын түүлүгэр киирэр: "Тукаам, убайдаргар этээр, сыттыкпын тахсан көннөрүөхтэрэ этэ. Эрэйдэнним", - диэн.

Сарсыныгар туран кыыс убайдарыгар түүлүн кэпсээбитигэр, убайдара уталыппакка аҕаларын уҥуоҕар тахсаллар. Кырдьык, онно көрбүттэрэ, аҕаларын ампаара, били кыһын көмпүт буолан, саас буор ириитэ, иҥнэри түһэн хаалбыт. Ону көннөрбүттэрэ. Онтон кэлин аҕалара биллибэтэҕэ. Оҕонньор дьэ нус-хас айаннаатаҕа.

Альберт Капрынов. Кыым 14.07.2011