Соҕотоҕун куобахтыыр буоллаххына, ыт мунна баппат ычыгын кэтимэ, бултуурга сэндэл ойуура ордук. Куобах ыкса күһүн көмнөх түһүүтэ, ыраас, күн көрөр сирин сөбүлүүр, ону таһынан сыырсирэйин, тыа быарын, оттонор ходуһалар кытыыларын.

Тыаҕа хаһан да түргэнник хаамыма, айылҕа хас биирдии көстүүтүн, көтөр - сүүрэр сырыытын кичэйэн көр, үөрэт. Ыраахтан туран барбыт куобаҕы эккирэтэн күүскүн - уоххун бараама, тиийиэхтээх сиргэр тиийэргэ кыһалын. Өскөтүн куобаххын суоллуур санаалаах буоллаххына, бытааннык батыһан ис, күнүс куобах ырааппат, чугас соҕус кирийэ сытар буолааччы. Куобаҕы олордоҕуна ытар ордук. Өлөрбүт куобаххын хабаҕын баттаан тута иигин таһаарыахтааххын. Өскөтүн элбэх куобаҕы өлөрдөххүнэ, истэрин ылаталыырын ордук. Сүгэһэрин чэпчиэҕэ.

Куобахтыырга ордук тоҕоостоох кэм - эбиэттэн киэһэ. Бу кэмҥэ туруорбут куобаҕын күнү быһа сытан сүһүөхтэрэ көһүйбүт буоланнар, уонча хаамыыны бараат, хайаан да олорор. Оччоҕо, дьэ ытыаххын сөп. Киэһэ сөпкө дьиэҕэр төннөргүн умнума.Күһүҥҥү киэһэ эрлэ хараҥарар.

Саха ыалын халандаара - 2008