Куобах сааланарга күүппэт буоллаҕына, хаһанэмэ өлөрөн баран, оҕо этэрбэһин быатыгар баайаллар уонна состороллор, ону кэнниттэн талах кымньыынан таһыйаллар.

ТАҺЫЙААЧЧЫ: Ааттыыгын дуо?
СОҺООЧЧУ: Ааттыыбын да, ааттыыбын.
ТАҺЫЙААЧЧЫ: Аны миигин күүтүөн, хараххар көрүөн дуо?
СОҺООЧЧУ: Ааттыыбын, аны күүтүөм, көһүтүөм, аны куотуом суоҕа.
ТАҺЫЙААЧЧЫ: Эппит тылгын хайаан да толоруоҥ дуо? Ыл, этэ тарт!
СОҺООЧЧУ: Тойон убайкаам, аны туран ойуом суоҕа, абытайбыын да абытайбын, сөп буолла, - дэтэр.
Итинэн ааттаан бүтэр, саҥата суох нус буолар, ааттаһааччы куолаһа намтаан, ытаан эрэр курдук саҥарыахтаах. Ол кэнниттэн куобахчыт туран тыаҕа куобахтыы тахсыахтаах. Ити курдук оҥорор санааҕа истибит курдук буолара диэн быһаараллар.

1945 сыл, П.Т. Степанов Наахаратааҕы матырыйаалларыттан.
Кыраһа #2 1994 сыл.