Эбэ хотун иччитэ
Илки-Талкы эмээхсин,
Уһун хотуур иччитэ
Улуу уһаанньал оҕонньор,

Аан дойдум иччититтэн
Көрдөһө киирэн,
Аҕыс сүһүөхтээх
Ача күөх оккуттан,
Тоҕус сүһүөхтээх
Чокуур күөх оккуттан,
Уолан тиийбэт уйгугуттан,
Кэһэн тиийбэт кэскилгиттэн
Тииһэн аһыы түһээрибин,
Хоройор муостаахпын
Уһун сиэллээх,
Сыһыы муҥунан сылгыбын
Иитэр-харайар наадатыгар
Киирэн турабын.
Ойоҕос уолаттара быдан
Уҥуор тыаны оломнооннор
Охсон киирэн бараары
Көрдөһө турабын.
Аан дайды айылҕатыттан
Тииһэн аһыыр наадатыгар,
Аан дойдум иччилэрэ,
Аһааҥ, таҥнын!
Ахтаах арыынан
Аһатан сиэтэн,
Уунан тиийбэт уйгугуттан
Бука диэҥҥин
Биэрээр диэммин көрдөһөбүн!

Д.М. Слепцов, 75 саастаах, 1946 с. Муома оройуонун Индигиир нэһ., ССНК архива, 5 ф., 3 оп.

Кыраһа #6-7 1993 сыл.